[معلومات العضو حمد القربي الحقبان]

قال الشاعر : سعد بن جدلان السعدي الأكلبي هذه الأبيات..

ياالله وحنـا لـك عبيـد ملاكـا=ولمن يسالك مع رواق السما فك
يامهلـك العـزا معـز الهلاكـا=والمبتـدا والمنتهـى كلهـا لـك
يامالك ملك مال ملكـك شراكا=فرج لجاش حط فيه الدهر حك
ابـا اتحكـا ماعرفـت اتحاكـا=من همي اللي قاطع له علي صك
وظيم الدهر منه النشامـا تشاكـا=التك خلاها دبـل والدبـل تـك
عطى ضعيف العقل ياكا وياكـا=ولا حكيم العقل مايلحقـه شـك

ورد عليه الشاعر :عبدالرحمن بن بطيحان القربي الحقباني...بهذه الأبيات..

لاباس ياللي وقتك انهـك صباكـا=وخلا لسانك لاحكى في الجما لـك
واطراف جسمك من دهرها تشاكا=وتشوفها وتقول كن ماهيـب لـك
هـذا دليـل مـن دلايـل وفاكـا=وصفاة قلبك بحرها هاج واغرقـك
وصقور غيرك بالطويلـه وراكـا=وكل معه محزم من الصك للصك
تملـى محازمهـم عيـون قبلاكـا=وهي على روس المحاجي تضاحك
لين أنغلـب قلبـك وغيـم سماكـا=وبركتلك مبرك على غيـر مبـرك