ليا حار فكرك وضاق الصدر مما بـك=وضاعت مشارق علومك في مغاربها
اعنز على اللي يفك الضيق لا صابـك=واترك حبال المطيـة فـوق غاربهـا
و ليا انجلت ضيقتك و انفلت اعصابك=ودنياك عقب الغثا صفيت مشاربهـا
أولى بك انك تعود لربك أولـى بـك=و تخشاه في ساعة تمشي عقاربهـا
هذي لدينك ودينك حقـه أجـدى بـك=وان قلت دنياك قلنـا لـك تجاربهـا
احسب حساب الرجال وتحسب حسابك=اللي على الطيب مكرمـة ٍ شواربهـا
وعدوك البس له اغلى و اجمل ثيابك=واشهر له اللي عطيبات ٍ مضاربهـا
والشايب اللي تخير خالـك وجابـك=سالم على شانـه الدنيـا وحاربهـا