عن سوق تجار السوالف ترفعـت=وقطعت خطً مـن جهتهـم يجينـي
وقنعت من بعض السوالف وقنّعـت=وبعض التجارب مدرسه للفطينـي
وان قلت كلمه دونهـا ماتراجعـت=ولاحز في نفسي غضب حاسدينـي
طبعي كذا مـن خلقتـي ماتطبعـت=اللـي يسـاري مايصافـح يمينـي
وفالكذب وافعـال الريـا ماتولعـت=ولانـي باراقـب غـرة الغافلينـي
اشباه ناسً مـن غياهـم تروّعـت=ناسً على الحوم البشر عايشينـي
يرضون عنك انكان في سوقهم بعت=ويقفون عنك انكان حصنك حصيني
هذا يقول انـا كبيـر وتواضعـت=ومن الوفاء والجود تعبت ايدينـي
شيخن على عرش المراجل تربعت=يفخر بي التاريخ طـول السنينـي
وهذا يقول انا للاحـزاب طوعـت=زعـيـم للتالـيـن والاوليـنـي
واليا تقصيت الحقايـق وراجعـت=الحـق واضـح والدلايـل تبينـي
خوافيـن بانـت مثـل ماتوقعـت=الشرح واجد واختصـر كلمتينـي
عن سوق تجار السوالف ترفعـت=وقطعت خطً مـن جهتهـم يجينـي