الله يهدي من غرامه على شـات=والا على بسْت(ن) وشاشة محطّه
والله يهدي من يـدوّر علاقـات=ورى نفوس(ن) في ضماير مُحطّه
بنت(ن) تميّلح في صورها اثارات=صورة غزال وصورة الوجه بطّه
تعشق حقير(ن) في كلامه مروات=السوبر أخضر والزخاريف خَطّه
كنّج وشجاع(ن) في كثير العبارات=والا الحقيقة شاري الثـوب قطّـه
لا لا تغرك بين الاقواس (نكّـات)=هذي على قول الحقيريـن خُطّـه
عزّي وشاني شامخ(ن) بالمنيفات=ماهي زياده كـمّ نقطـه ونقّطـه
بعض الأوادم لا عنا لي مسافـات=وربي قليله فـي عيونـي أحطّـه
وبعض الخلايق والوجيه الغبيرات=والله خساره لـو أعشّيـه شطّـه
يا بنت ياللي تعشقين الطويـلات=بعض الحكي عيب(ن) علينا نقطّه
لا تسأليني عن مكان الشريفـات=أخاف هرجي لايجي فيه غلّطـه
إليا سألتي عن طبـوع العفيفـات=فبنت(ن) تهجّد ليلها مـا تغطّـه
وإليا نصحتك خوذي العلم باسكات=واخذي كلامي وآخر اللي أخطّـه
منهو يحبك أو يعزك على شـات=وربي مقامك تحت رجله يحطّـه
هذا جوابي وبصريـح العبـارات=ياكم عذرى راحت بسبّ غلطـه