ياسلايل مشبعين السيف و العرق المحنّـا =و أهل طرم.ن. ما تهرّج غير بأسبـاب المنيـه
قصيدة للشاعر الكبير / سعد بن جدلان الاكلبي
يمدح فيها الامير / سعود بن محمد بن عواد الصخابرة الدوسري
---------------------------------------------------------------------
راكب اللي كن كبوته مـن أصطبـه مدنّـا =أطخم.ن. من ثقل ماطـوره تهيـزع مقدميـه
كن خشمه لا نطحك و جاك منا و أنت منّـا =خشم وضح.ن. ساقها المتعب على خاله خويه
من طرف وضح.ن. من التنهات لا روضة مهنا =ما عليها إلا العمـد و الحلقتيـن الفيصليـه
سايقه لا من تناوش مقـوده بالخـط غنّـا =كن جلّـده لا نهمتـه جلّـد همّـال برديـه
في عروق الصلب مثل السفن في رحلة فينّا =لا نطحته تحسب إن نوره تعـدى الجاذبيـه
لا خذا غربي طريق إنكاس و بيـوتٍ تبنّـا =أنص قصر.ن. صوب غرناطه كبر هضبة طميه
أقلط بقصر.ن. كبيـر.ن. مـن قلـط فيـه يتهنّـا =عند ابو تكفى و بو جود اليميـن الحاتميـه
لو تجيه و تنشده وين اهل تكفى قـال حنّـا =حنّا هل من قال تكفى اليوم و الصبح و قفيه
أنجلو عشاق تكفى و أبشروا باللـي تمنّـا =ما بقى منهم يا كود سعود أبو الأحمد وزيّه
الأمير: سعود بـن عـوّاد مزبـان المجنّـا =لا أنتهت منه الفزوع و غلقت منه الحميـه
يا سلايل مشبعين السيف و العرق المحنّـا =و أهل طرم.ن. ما تهرّج غير بأسبـاب المنيـه
و الله إن البيض لك في كل مرقـاب.ن. تبنّـا = وإنك من الأولين بـدول صـب الشاذليـه
خيرك السابق علينا و أقبل العرفـان منّـا =بيض تنشرها عيال كليب فـوق الزايديـه
وإن تجاهلنا عسى ربي يشيل العـز منّـا = دام نجم سهيل حي و دام عين الشمس حيّه
تقبلوا تحياات / عبدالله بن عبدالرحمن بن ذيب بن عريمة