بعض المواقف تكشف أسـرار الانـذال =وكـل السوااالـف تدعـي باالزعامـه
وبعض البشر قليل حكيـه ليـا قـال=وسـط المجالـس مايكٌثـر كـلامـه
وبعض البشر ثرثار خايـن ومحتـال=عليـه مـن طبـع المهايـط علامـه
وماللشجاعه غيـر شجعـان وابطـال=اهل الشهـا مـه والكـرم والقرامـه
رجـلٍ تشـده باالمواقيـف مـامـال=مشتـد عظمـه مرتكـز فـي مقامـه
مثل الجمل ماطـاح وهمومـه ثقـال=يصبر علـى ميـل الزمـن بأعتزامـه
عزيـز نفـس وباالمياديـن رجــال=يمـوت قلبـه قبـل مـوت الكرامـه
ورجـلٍ كريـه وباالمواقيـف مـيـال=ضيع مسـار المرجلـه والشهـا مـه
ابليس مايطهر ولو الزمـن طـال=ما تطهر ذنوبـه ليـو م القيـامـه
ياراعي المدهـال حبـر القلـم سـال=أبشتم ألأنـذال وانـت بكرامـه
ابوي وصاني ترى الوقت رحال=لاتتبـع الواشيـن وأهـل الملامـه
ورافق صديـقٍ باالقـى طيـب الفـال=الذيب يفـزع والنعامـه نعامـه
ومن عز نفسه تنضرب فيـه ألامثـال=ومن ما حشـم حالـه يقـل احترامـه