اليـوم ياكثـر القضـا والقضـايـا=دار الزمـان وبـان زينـه وشينـه
وشفنا العلـوم اللـي منـول خفايـا=ولا كـان هـذا الشـي متوقعيـنـه
الصلـب والصمـان راحـت قرايـا=والصحرى الحجاز ونجد راحت مدينه
معـاد فديـره نـسـوق المطـايـا=واللـي يبيلـه دار ياصـل ابحينـه
يركب علـى اللـي يبعـدن النحايـا=موتـر وطيـاره وريـل وسفيـنـه
والعـد ماتـارد عليـه الضمـايـا=صار الرشا والدلـوا سيـر ومكينـه
والوايـت اصبـح مـاردن للرعايـا=وراعي الماخـوذ معـرف رطينـه
وبيت الشعر بـدل بقصـر ومرايـا=والنجـر بطاحـون بـدل رنيـنـه
والكيـف حطينـاه فــم الغطـايـا=والغـاز بعـد الضـو مستعمليـنـه
والذيب ياكل من فريـس الضرايـا=والثعلب يهوش الأسـد فـي عرينـه
الله يكافيـنـا الـبـلا ولـبـلايـا=ياواحـدن كـل البشـر مرتجيـنـه
في ساعتـن خلقـك حفايـا عرايـا=ودخل عليك مـن القهـر والغبينـه