[معلومات العضو تركي ال فنيس]

عرضة جلحان ( حربيه)



قال جلحان المسعري الدوسري

مني سلام واسمعوا يامن حضر = مثايل ماقيل قايلها يضيع
حنا الدواسر من عوايدنا الظفر= من كسبنا الجادات والراي الرفيع
حنا هل البل واقتسمنا في المدر =حضر ليال القيظ بدو في الربيع
يرصخ بنا غرس تمايل بالثمر =دونه نورد شذرة السيف الوريع
ولا من لحقنا عند حسكات الوبر= ياما ذبحنا عندها واحد منيع
لامن لحقنا عندها نرمي الغتر =كن الجنائز عندهم خشب صريع
يشهد لنا التاريخ بافعال العبر =غارتنا يشبع بها الذيب المجيع
يشهدلنا جيزان في يوم الكدر= جبنا المدافع والدريسي مستطيع (1)
وقشلة حرض يوم الذخاير تستعر =وردوا بني عمي لها صف جميع
وتشهد لنا قيزان داعر بالفخر = يوم ان خالد صاح بالصوت الرفيع (2)
ينخي بني عمه ووردها الخطر= وجاه بالمصفح والتماتيك السريع
واللي عليها عجز لايلقي مفر= من ضرب كل مجرب شهم شجيع

1-الدريسي: الادريسي


2-خالد : هو الامير خالد بن احمد السديري رحمه الله
وعرق داعر حنوب ريداء حدثت فيه وقعه