بسم الله الرحمن الرحيم
الأخوة الكرام
السلام عليكم و رحمة الله و بركاته
بعد الغيبه الطويله
يسرني مشاركتكم بهذه الابيات البسيطه
و هي تعبير عن المشاعر با الإنتماء لهذا الوطن الغالي
و مهما قلنا في الوطن و في ملوكنا فهو قليل
أقوووووووووووول :
أنـا سعـودي وافتخـر وتفاخـر = لي الفخر يا ناس أنـي سعـودي
من ديرة آل سعود أهـل المفاخـر = ديرة أبو متعب عريـب الجـدودي
المملكه اللـي بهـا الخيـر وافـر = والأمن و الأمـان فيهـا يسـودي
ما همنـا الحاسـد ولا أي ساخـر = ستين عودٍ في عيون الحسـودي
نرسي كما في البحر ترسي البواخر = دايم و حنا يا عـرب فالوجـودي
دون الوطن و ملوكنا سيف باتـر = من دونهم حنـا دروع وجنـودي
متوارثيـن العـز كابـر و كابـر = اخوان نوره قاهريـن الضـدودي
مرحوم يا عودٍ با الامجـاد ظافـر = أمن بلاده مـن جميـع الحـدودي
يا الله يا منـزل تبـارك و غافـر = اجعل مقره بيـن زهـر و ورودي
ارث لنا ملوك و شيـوخ و اكابـر = اهل الفخر و الجود ترثة أسـودي
و اليـوم قايدنـا زعيـم الجبابـر = عبدالله اللـي للمسيـره يقـودي
غيث الفقير و للكسـر دوم جابـر = تشهد له أفعاله و حنـا شهـودي
يا الله يا اللي للضعيفيـن ناصـر = عز الوطن و ملوكنا آل السعـودي
و سلامة الجميع
أخوكم الشاعر : مسفر المصارير
أبو نايف