[معلومات العضو الزين]

قصيـــــــــــدة مميــــــــــــــزة للشاعــــــــــــــر رشيــــــــــــد الزلامــــــــــــــــي

يا متعب الأقدام ماشي على وين=مع جرة جاها العجاج ودفنها
ارجع وعد خطاك وحدة وثنتين=واكبح جماح النفس والزم رسنها
لاتامن الدنيا ترى وضعها شين=ماعاد به دنيا صحيح بدنها
لا صارو العقال مثل المجانين=وأصبح ردي العرف يامر وينهى
أنا مجرب والتجارب براهين=أراهن الأيام وأكسب رهنها
منها عرفت الفرق بين الفريقين=سبحان من صاغ العقول ووزنها
وان كان صح إن التجارب براهين=ضمنتها لن كان ربي ضمنها
ورفقة ردي المعرفة بعتها دين=على زبون ضمها واحتضنها
بغى يجيني بالثمن ، قلت بعدين=إمسك فلوسك لين ننشدك عنها
مابعتك إلا سلعة يا أحمر العين=أبيعها ، وأبيع حتى ثمنها
والله مابي فيها الثمن لو قرشين=بس المهم إني تخلصت منها