السلام عليكم ورحمة الله وبركاته وبعد
كل عام وانتم بخير وتقبل الله منا ومنكم صالح الاعمال
اليكم هذه الجديده بمناسبة دخول الوسم .
ارجو ان تنال رضاكم
قلت يا قلب لا تنقض اجروحـي
فـي حنينـك وُ لا تشـره عليـه
ما هويته هواي وُ شـف روحـي
مير يـا قلـب وش حيلـة ايديـه
هبت الوسم به شمـت اجروحـي
في هبوبـه يهـب الشـوق فيـه
اشهـد إن الابـل فيهـن اشروحـي
للـذي خاطـره فـي اكـدريـه
لامن جيته وهي نشر(ن) اسروحي
في خلا(ن) مربع(ن) فاح ازهريه
في حنينه صدا(ن) يريح لروحـي
تفـرح بجيتـك ياللـي خـويـه
جلستي حولها برض(ن) بطاحـي
انظـر الـذود انـا عنـد اقعديـه
شمخ النيب من سود(ن) اسماحـي
هي حياتي ومـن عمـري هنيـه
والفحل جنبها زين (ن) طفوحـي
لا زجر ونتهـض طـار زبديـه
درها لي غبوق ولـي صبوحـي
واكرم الضيف ليـا سيـر عليـه
اتمنـا انـا وبـعـد اشبـوحـي
ما هي عنـدي ولا لـي مقدريـه
وتقبلوا تحيتي واحترامي