[معلومات العضو ابن طواري الخييلات]

يسرني ان أتقدم إليكم بأحر التهاني وأجمل التبريكات بمناسبة حلول عيد الفطر المبارك، سائلاً المولى

عز وجل أن يعيد هذه المناسبه الطيبه علينا وعليكم بالخير واليمن والبركات.


هذه بعض العرضات التي قيلت في منطقة شيبه بمناسبة عيد الفطر المبارك لعام 1428 /2007 وقد

شارك في أدأها نخبه من موظفين ارامكو السعوديه في منطقه شيبه وكان عيدٍ بهيجآ يشار اليه بلبنان

وهذه الأبيات من الشاعر المبدع مشاري المشاري وهو يقول:

ياسلامي على قايد وطنا = عاد عيده على طيب ومعزه

ياملكنا خذ الترحيب منا = بيرق العز في شيبه نرزه

يابو متعب ولانا ماتونا = حافظين العهد في كل حزه

من نوانا بشر ٍ ماتهنا = في نواياه واحقاده ندزه

كلنا بالوطن قام وتغنا = في شرايين حبه زان غزه

كل حر ٍ لشيبتنا تعنا = شاف الاخلاص والشعب المنزه

عاد عيد الجميع وزاد فنا = والتلاحم جبل محدٍ يهزه

عاش من ينقل السيف وتثنا = يوم حب الوطن بالديد مزه.

والعرضه الثانيه:

ياسلامي على شيبه واهاليها = يوم حل الفرح والنفس مسروره

يوم عيد الفطر نور لياليها = والشعر ماتمالك يمسك شعوره

دار يللي سعدها مايخليها = قبلة المسلمين ونور دستوره

ابو متعب مسورها وبانيها = لين صارت بدين الحق معموره

الاعادي معه خابت مساعيها = تنقلب صاغره قدمه ومثبوره

هيه يللي جواعدها تغطيها = اتركي الخايب وشومي لخو نوره

اما العرضه الثالثه فهو يقول:

نحمد الله علام المغطا = من ديار المعزه والرباط

يوم عيد الفطر فالناس حطا = صوتنا بالشكر شد النياط

وسط شيبه جميل الشعر خطا = مالجا فيه والهزل ارتباط

مجدنا فالمواقف ماتوطا = خايطينه مع الطيبه خياط

نحمي الدار من خبل ٍ تمطا = يجني الشوك من تين الحماط

ينتكس بالهزيمه ماتبطا = عقب ضرب الرهايف والسياط

في ذرى حاكم ٍ للكون غطا = حنا الاوتاد والديره بلاط

واختم القاف والمعنى على الطا = والتحيات والعزه بساط.

وسلامتكم


كما نشكر الاستاذ/ عبد المحسن بن ابراهيم العجمي على جهوده التي بذلها في انجاح فعاليات هذا العيد

السعيد وأدخال البهجه والسرور في نفوس موظوفين شيبه اعاده الله على الامه العربيه والاسلاميه

باليمن والمسرات.

ارجو المعذره اذا كان هوناك اي تقصير


ولكم مني كل الود والتقدير.