[معلومات العضو نايف الفصام]

حيرتني بين مدري و بيـن لا لا و بيـن ايّـه=وعلقتني بين وصل وبين صد و بيـن غيبـه
انذوت حالي و حالي مـن قبـل حـالٍ شليّـه=و شيّبت راسٍ عشقها من قبـل حـزّة مشيبـه
ان رجيت الوصل منها قالت اصبر لك شويّـه=ليه مستعجل و انا لك يا بعد روحـي حبيبـه
وان شكيت البعد منهـا قالـت الدنيـا مديّـه=عـدّة ايّـام و ليالـي و البعيـد الله يجيـبـه
قلت صبري راح منـي و الليالـي سرمديـه=و العمر عدّا و صدري زايـدٍ وسطـه نحيبـه
بعد مدّة جات تنشد و يش عنـدك لـي هديّـه=قلت عنـدي ونتيـنٍ بيـن ضلعيـنٍ عطيبـه
قالت الله وش طرا لك؟ ما تشوف ان ذي قويه؟=لجل نظره من عيوني صارت احوالك صعيبه!
ثم قفّـت و اتركتنـي افـرك الحسـره بديّـه=و السؤال اللي شغلني ما لقيـت اللـي يجيبـه
وش بلاهـا عرّضتنـي للفيافـي الجرهديـه؟=كيف تترك من هواهـا للهواجيـس التعيبـه؟
ليـن شفـت السبـة اللـي ادفعتهـا للاذيّـه=شي ما يطرا علـى بنـتٍ مجانيهـا عريبـه
اثرها تلعب علـى الحبليـن لعـب السامريـة=عزّتـي للـي عشقهـا فـي هواهـا بتغديبـه
ومن تولع فـي هواهـا تلحقـه كيّـة و كيّـة=رمحها يطعـن فـواده طعنـةٍ ياهـي رهيبـه
بنت بدوٍ من لمحهـا شـب فـي قلبـه لظيـه=وقام يطلب في صلاته ليتها تصبـح نصيبـه
الوصوف وصوف طفله في نسبهـا يوسفيـه=و الكبر كبر الملـوك اللـي مجالسهـا مهيبـه
ان تحاكت ذاب كلّـي فـي سوالفهـا النديّـه=وان وقف حكي الشفايف ناظرت نظره عجيبه
عين حرٍّ في حورها مـن تواصيـف المنيـه=صابت فوادٍ معنّا و اصبحـت روحـه سليبـه
هيه ياللي لك معزّة هـاك منـي ذا الوصيـه=لا تعلق فبدويـه و العمـر يصبـح ضريبـه
يستحق اكبـر خسـاره مـن تولـع فبدويـه=من عرفها عزتي له يا كبـر فيـه المصيبـه

رحمة الايام

صح لسانك ولسان الشاعر
ويعطيك العافيه على نقلها
تقبل تقديري واحترامي...
اخوك/مطنوخ