[معلومات العضو عبدالله البجاد]

هذي هي الدنيا وهذي هي الشمس=وهذا القمر ماشوف شـئً تغيّـر
واليوم هذا اليوم واللي سبقه امس=لكن مازال هنـاك شـئً يحيّـر
راح الرفيق بعيد لو يسمع الهمس=والجار يم الجـار معـاد سيّـر

مابغيت اصيح من همً مقيم=ماكنً وسط المعاليق ولجا
قد سمعت يقال من وقتً قديم=مابه احدً صاح من شي ونجا

مالاً قصر من دون جايع وعطشان=نفس الذي نماه منه محرومه

طبيعتي والطبع يغلب على الراي=يموت سري كاتمه ماحكيته
واليا بغيت اسند معاناة شكواي=وجهتها صوب الكريم ورجيته

انا اللي تعبت وشفت انا واقع الاحلام=مثل من طبخ له فاس طمعان بمرقته
ويوم اكتشفته واتضح لي بشكلً عام=تراجعت للواقع وعايشت انا وقته

اطلق نظر عينك تشوف الطبيعه=دنياك ماتسوى تعقد حجاجك
وابعد عن اصحاب الردا والقطيعه=واصحب رفيقً مايعكر مزاجك

ياروح روحي ياعنود الجوازي = غلاك عن هالناس روحي فرزها
انا معا غيرك ثقيلً مرازي = ولا معك سبحه خفيفً خرزها