السلام عليكم ورحمة الله وبركاته
هذه القصيده لشاعر عايض بن مسعر المعاوي البيشي
رد على ابن خر الذيب في بيته القائل
لاغدى قلبي من الغفرات ولاخبش = دورولي عند بيشه واذبحولي بيشي
اترككم مع القصيده
من غدى عقله من الغفرات وإلا خبش = دوروله عند بيشه ذبحته من بيشي
يالعقول الذاهبه وشهو دواش وطبش = في قطر تلقين دواش وارد الخريشي
عندنا ماعندنا الابالمهند الضربش = غير يردى من تكلم بالكلام الطيشي
ياولد ذيب الخلا يلي علينا هبش = مرحبا تلقى الكرامه عندنا ياربيشي
الكرامه من شيمنا وأن زعلنا نربش = خصمنا وندوس راس الحية القرقيشي
مايزعزعنا كلام المرتبش والاربش = نخرس الثرثار لامن لحقله بيشي
يالنفوس الهاويه غر الهوى يلعبش = خوفتي يالهاويه بالهاويه يرميشي
القصيد اللي ملبش شاعره مايلبش = نبلشه حن في بلشنا ونلبسه كلبيشي
كم ويا كم شاعر(ن) جانا وراح مكلبش = راح مثل الطير لامنه نتفله ريشي
الشعر موروث معنى مانجيب المخبش = مثل ذاك اللي يدور من وراه العيشي
يمدح الهين يذم الطيبين الغبش = لجل يملى في جيوبه عملة البخشيشي
عقبي يابيشة الفيحا غشيم(ن) سبش = جهزيله من سيوف الشعر سيف وشيشي
ياهجوس الشعر شبي فالضماير شبش = وشعلي نار القصايد وأزهميها جيشي
أزهمي شعار بيشه صلبهم من صلبش = أزهميهم لا زعلتي هم سيوف قريشي
عشتي يابيشه عصيت من نوى يغدربش = قدر الله تحت راية ابن سعود تعيشي
بيشتي يابيشتي لبن اسعود انبش = تحت راية لا إله الا إلهي هيشي
والله انتي قلوبنا وحنا ترانا قلبش = مانحارب كلهلايم لجل لقمت عيشي
نعتزي بملوكنا للحرب فينا نبش = تحت حكم أهل الشريعه لابدا تنويشي
ياسعوديه حماتش هم تراهم عربش = ما حتميتي باليهودي في نهار الهيشي
من رفع راسه علينا عندنا كلبشبش = لانوينا في هلاكه دعسته بشويشي
من كرهش اليوم قلنا ياعسى ماحبش = فاله الحقران منا فاله التطنيشي