اقتباس:
المشاركة الأصلية كتبت بواسطة العدابة
هذه مساجلة شعرية بين خالد بن مساعد بن أحمد السديري ووالدته .. وقد كان طالباً يدرس في أمريكا ...لم يتجاوز التاسعة عشرة من عمره فأرسلت له هذه القصيدة :
خـالد بعيـد(ن) حال من دونه بحـــار ..
مـن روحتـه وأنـا عيونـي شقيــــــة .
طـال المدى يا الغال ما جـاني أخبار ..
ولا عارضك في غربتك مكرهيـــــــة .
عليـك يبكـن النخـل هي والأشجـار ..
مـا ألومهن بالقـرم حـامي السريــة .
يا ستر من قرنه على المتن نثــــار ..
يعـملـونه ليــة (ن) فــوق ليـــــــة .
تركي عضيدك جعل تعداه الأشـرار ..
يوســع الخاطــر دخــوله عليــــــه .
أسأل ربي يجمـع الشمل بالــــدار ..
يا الله يا الرحمـــن رب البريــــــــة .
فرد عليها :
جاني جواب(ن)هيض الخاطر أفكـار ..
خـدر ضميــري والمعاليــق حيـــــــة .
هيج فوادي من همومه وتحضــــــار ..
سجـع اللحـون المردفـات العذيـــــة .
وأدعـى غرابيـل الدهـر فيـه تنــــدار..
يضفــي عليــه الضيـق يـوم وقفيــة .
يــوم أدرحــن الليــل وردن الأفكـــــار ..
علـي نـوع مـن الهمــوم القويـــــــــة .
سـود(ن)تراكـم كاتمات(ن)كما القــار ..
سـود الملامـح تحتـوي سـم حيـــــــة .
منها انحنى قلبي كـما حني ســنــار..
ثم انحنـى وانعاج والتـوى فيه طيـــه .
تضفـي علـى قلبـي كما الليل هــدار ..
تعصـب علـى مـا كـان سهل(ن) لويه .
تجــلب عليــه مــن الغريبـــــــات زوار ..
أفكـــار كــــدار خبيثــــــات نيــــــــــة .
تظلــم فجوجـه مـدلهمـــات الأسبـــار ..
طاق(ن)على طاق(ن)تضكه سويـ،ـه .
ترعـد بوسطـه مثـل رعـدات الأمطـار ..
ترعــد وتبرق مستعجـلات(ن) دويــه .
تنــزل مساحاتـه مـن اليـوم مقـــدار ..
ليلــه مـن ساعــات صبحـه شويــــه .
لــو هــو تبــدل مــا تبــدل بــالأقــدار ..
يبــقى مصابــه لــو غيـــروه ليــــــه .
ولـو القـدر غـير جـوابــــه والأســـرار ..
ما جا الكتاب اللي حزين(ن) طويــــه .
جاني كتاب(ن) من بعيدات الأقطـــار..
مـــن صـوب دار اللـي يهـــلون فــــيه.
من صوب قلب(ن) حاني الود محـــتار..
يدعي لي العليا فى كل صبح وعشيه .
يذكــر دموعــه فــوق خديــه مـــدرار ..
يسجـــع طـــوال الليـــل كالراعبيــــه .
الله يثيــبك مــن عــليات الأقـــــــــــدار ..
جنـــات عـــدن الواسعـــات الفضيـــــة .
وعسى مقرك وسط فردوس وانهـــــار ..
يا الله يا الــــــرحمن رب البــريـــــــــــة .
واذكــر عــريب(ن) للمهــــمات بتــــــار ..
همــام ضرغــام علومــه سنيــــــــــــة .
ابـوي لـي عـز(ن) ويفخــر بــه الجــــار ..
راع الكــــرم والجــــود راع الحمـــــــية . |
الله يعافيـــكـ يالعدابه ولاهنت يالقرم
أتحفتنا بهذه المساجله الرائعه والجزله بين ام وابنها بس ودي اسئلك خالد بن مساعد هل مازال حي !! ولك الشكر والتقدير
يــوم أدرحــن الليــل وردن الأفكـــــار ..=علـي نـوع مـن الهمــوم القويـــــــــة .
سـود(ن)تراكـم كاتمات(ن)كما القــار ..=سـود الملامـح تحتـوي سـم حيـــــــة .
منها انحنى قلبي كـما حني ســنــار..=ثم انحنـى وانعاج والتـوى فيه طيـــه .
تضفـي علـى قلبـي كما الليل هــدار ..=تعصـب علـى مـا كـان سهل(ن) لويه .
تجــلب عليــه مــن الغريبـــــــات زوار .=أفكـــار كــــدار خبيثــــــات نيــــــــــة .
تظلــم فجوجـه مـدلهمـــات الأسبـــار ..=طاق(ن)على طاق(ن)تضكه سويـ،ـه .
اشهد انه شاعـــر جزل
لاهنت يالغالي