الوقت ضيق: ومده من وسع صدري = والليل أشوفه صبح .. فيما يرى السهران
لا هـتز فيني: شعور العاطفه .... أدري = إني فراغ ٍ ملاه الحب .. بالحرماان
بين الشعر والمشاعر والورق .. حبري= شيءٍ بقوله وإذا ماني بقايل .. بان
لصمت حكمه: وصمتي يأسره .. أمري = والبوح ياكل لساني.. والصدر مليان
ياكم مليته : تـفائـل .. والشؤم .. يسري = يجري معه لين فصل .. للفرح أكفاان
والبارحه ماخـذ ٍ موقف من الثغري = سرب كلامي .. وصـدّع سري الجدران
هو ليه يملي عليّـه وأكتبه .. شعري = هو مادرى أني سئمـته .. أغلب الأحيان
شريت للعـقـل قصه .. وأستلج فكري = على جنوني يشير الكاتب .. التعساان
مرات تطري علي أشياء ماتطري=ومراات تطرحني افكاره ورى القـضباان
ليه التحِـرر: مفاهيمه تبي .. أسري = وليه الشجر ثابت ٍ لا مالت الأغصان
لوعشت كني طرف مترامي أبكثـري = ماكان تسمع قصيدي .. غـنـته للحاان
يا إما أمووت وبقى عايش أبذكري = ولا حـيـــاتي: روايـــه مالهااا عنـوان
والناعسه .. الفاتـنه .. الكوكب الدري =لو تدري عن بعض مافيني .. وحتى الأن
لاما سجد رمشهااا ... وأنا انتظر فجري=والنوم ميت على باب السهر .. هيمان
قد قلت صدري وسيع .. وضاق بي صدري= والظاهر أني أرى فيما يرى السهراان
صح الله لسانكـ وبيض الله وجهكـ
قصيده جزله من شاعر جزل
جيتكـ ثمينه ومدتكـ سمينه
القصيده هذي عن مليون قصيده ارجو انها ماتكون اليتيمه
لاتبطي بجديدكـ
تحياتي لك ،،،،