در ووفاء ياللي صنعت التلفون
سويت لصحاب المحبه وسيله
فيها عن اسرار الغرام يتناجون
ولو بينهم هجر ومسافه طويله
عساك ماتحشر مع انصار فرعون
في موقف ماتملك النفس حيله
نطلب لك الله واهل الحب يدعون
انك تخلد بالجنان الضليله
حيث ان معروفك على من يحبون
كل مع الهاتف يناجي خليله
وفرت خدمتهم على مايريدون
لو انها في مجتمعنا دخيله
لاباس يافارس مكرم وممنون
يمناك في خدمة حبيبي طويله
ومن قبل ماصل صاحبي صافي اللون
وسوالفه دايم علي مستحيله
واليوم بالهاتف هوى البال مضمون
وليابغيت الرقم عندي دليله
والله يعز الحكم واللي يحكمون
حكم عدال ولاندور بديله
موفرين اللي بغينا ومامون
كل سعى لجل يرضي عميله
وياصاحبي عن مابغيناه تدرون
مس العواتق والنحر والجديله
عطني خبر باسرع زمن لاتخافون
ارجوك رجوى لاتكوني بخيله
مال البخل في شرعنا اليوم قانون
خوذي كلامي واسمعي ياجميله
والناس عن طرد الضبى مايعذلون
حلو اللحم كل يدور مقيله
عطني خبر ياللي بك القلب مفتون
عساك لو عذبت قلبي تجيله
والهاتف اللي ماتدقه لمزيون
ودك من الخدمه تروح وتشيله
منقولة واتمنى ان تحوز على رضاكم وكل عام وانتم بخير
أبومبارك