البندري بنت الجـــرباء والسجيــن العنزي
بصري الوضيحي شاعر هواوي وراعي غزل فاحش وما يذكرله بنت مزيونه الا ويعني لشوفتها والتغزل بها ومدح صفاتها وكل سوالفه خايبه تسود وجه .
وهو من الشعراء اللى يدخلون في قوله تعالى (يقولون مالا يفعلون)
بصري الوضيحي سمع عن جمال وزين الشيخه البندري بنت مطلق الجرباء ( زوجه صفوق الجرباء)
وتعنا لشوفتها وسير عليهم وقلط عند الشيخ صفوق الحرباء واكرمه وغداه وعشاه وقهواه وبالليل وهم يتسامرون بمجلس الشيخ صفوق أخذ بصريالوضيحي الربابه وقال هالثلاث أبيات ... يقول فيها بصري :
ياليتني نداف قطن ٍ وابيعه= متحضرٍ في وسط سوق راوى
اشوف غزلانٍ يردن الشريعه = لبسن ثوب البزرقان الغناوى
راعي الكريشه ريف قلبي ربيعه =عليه بيبان الظماير تهاوى
طبعا هو يقصد بعض البنات المزايينمن القبيله يتمنى أن يكون نداف قطن بالسوق لاجل يشوف الغزلان من النساء وقصده يشوفههن لانه لم يتمكن من شوفتها بعد هالعنوه
في هذا الوقت كان عند الشيخ صفوق الجرباء سجين عنزي أسير عنده كان مربوط بالقرب من مجلس الجرباء في خيمه صغيره لحاله وسمع ابيات بصري الوضيحي قال هألابيــات :
تسعين( ....) للوضيحي نفيعه =مع مثلها يدخل بها سوق راوى
وربعٍ يتاجر به وربعٍ يبيعه =وربعٍ فراشٍ له وربعٍ غطاوى
يقصد ببنت امكبرين الوشيعه =خطار اهلها بالأشاتي مقاوى
ما قلتها للبندري الرفيعه =بنت الذي ذباح حيل عداوى
اللى ظهر ضاقت عليها الوسيعه =يشبع سباعٍ جايعات تعاوى
كم واديٍ حرم علينا ربيعه =واجروحهم بقلوبنا ما تداوى
فلما أكمل العنزي السجين القصيده والبندري تسمع خذتها الحميه والنخوه فقامت وفكـــت أرباطه
ولبسته بشت ابوها وعقاله وأمرته بأن يدخل على الرجاجيل بالمجلس ومدرى صفوق الجرباء الا وهذا المنيع اللى عندهم داخل بالمجلس وعليه بشت ...
فسئل : وش العلم يالبندري من اللى فك المنيع من دون علمــي
قالت : انا وأنشده وش هو قايل في رده على الوضيحي .
فقال وش انت قايل فعلمه بالأبيات وقال :
تسعين .... للوضيحي نفيعه= مع مثلها يدخل بها سوق راوى
وربعٍ يتاجر به وربعٍ يبيعه =وربعٍ فراشٍ له وربعٍ غطاوى
يقصد ببنت امكبرين الوشيعه =خطار اهلها بالأشاتي مقاوى
ما قلتها للبندري الرفيعه =بنت الذي ذباح حيل عداوى
الى ظهر ضاقت عليها الوسيعه =يشبع سباعٍ جايعات تعاوى
كم واديٍ حرم علينا ربيعه =واجروحهم بقلوبنا ما تداوى
فقال صفوق الجربا ولك مع الكسوه ذلول فاعطاه الذلول وكسوه ...
وقال له ان حاجتك الدنيا الله لا يحيجك لــحد فاذكرنا وأطلق سبيله وخله يروح لأهله
(وهذه السالفه تبين طيب العرب ومكارمهم حتى مع أعداهم وتبين انهم يذكرون طيب الاخرين وقوتهم حتى ولو بينهم عداوه وهذا واضح في ابيات العنزي )
وســـــــلامتـــكم