بسم الله الرحمن الرحيم
الأخوه الكرام
السلام عليكم ورحمة الله و بركاته
يسرني مشاركتكم بهذه القصيدة
و هي ل أبن عمي : الشاعر : عبدالله بن سعد بن عبدالله المصارير
وهي بعنوان : (( لا للحجر ))
يقول فيها :
ما بين طبع الانس و المس بجنون = شاعر وشعري صنع سبعة شياطين
عند اللكاعه اكتب القصـد مدفـون = تحتار في نبشه عقـول الذهينيـن
و ليا غضبت اكتف الحرف مرهـون = و استسلمت الابيات كنها مساجيـن
و ليا رضيت اسمعها بالهون بالهون = جات المعاني عطرتهـا الرياحيـن
لكن حزنت وصارت الحال فـي دون = سبايب اللي من سببها عمت عيـن
حزني عليها مثل يعقـوب محـزون = على الابن يوسف ويجمعهم الزيـن
قطع يديكن كـل سكيـن مسنـون = يامعشر النسـا تهـون السكاكيـن
يا ليتها تكشـف ريايـاي وشلـون = لامنها مرت مثل ريـح الخماسيـن
تشهقبها من دون زفـرات كربـون = كربونها يفوح فـي محجـر العيـن
ثم ليتهـا بعيونهـا تنظـر عيـون = لعلهـا ترحـم دمـوع المساكيـن
المشكلة من دونهـا ظلـم قانـون = قانون لكـن ضـد كـل القوانيـن
في حكم ربي خلو احكـام فرعـون = ترى الحريـة ماتعيـب السلاطيـن
لا للحجر تكفـون يالربـع تكفـون = فتنتها لاهي تشتعـل بيـن حزبيـن
ياللي بجنبيتك ترا السيـف مكنـون = واجب ترد الديـن ياراعـي الديـن
أما خسرت النفس وتصير مديـون = والا كسبت الريم يالربـع الادنيـن
واعطيتها دمي مع الدمـع عربـون = واخذيتها ليفوتنـا مركـب الريـن
لو المهر ميـه وخمسيـن مليـون = بس افهموني وين اجيب الملاييـن؟
لا تحسبوني املـك اكنـوز قـارون = ترى رصيدي داخـل البنـك ألفيـن
لكن بعرض اعضاي باللي يسومون = واحد عضو للبيع من كل عضويـن
الا عيوني منتـي للبيـع يعيـون = نفسي اراعيها مـن عيـون ثنتيـن
كلي مجنونهـا ولا نيـب مجنـون = انسان شاعر والمشاعـر عناويـن
و سلامة الجميع
تقبلوا تحياتي
ناقلها : مسفر المصارير .