الله من كلمة(ن) باصدر مكتومه=في وسط صدري وتقرع بين لكتافي
لا والله إلا غدة بالصدر ملحومه=تاكل وتشرب معي في المشرب الصافي
علة نحر زايمه عندي ومزمومه=اساير الوقت منها وبدع القافي
نفسي على كتمها ماهيب ملزومه=فاحت ضلوعي وفاحت كل الطرافي
دار(ن) بها البوح والسكان مزحومه=يبدابها الموج للجراح بحرافي
لابدتسري مع اللي يطلب القومه=تسري مع دروب ما يسري بها الحافي
يسري بها الذيب يوم الناس منجومه=وليا وصلها عوى في كل مشرافي
بداية البيت والعمدان مقسومه=هذي دياري ومرباعي ومصيافي
شطر(ن) يقرب وشطر(ن) يبعد الحومه=ويضيع منهو عمى ويدل من شافي
وفيت علمي على الجراح وعلومه=ملزوم يبدابها بالمنطق الوافي
للشاعر // عمر بن سعود بن محمد ال عريمه