[معلومات العضو العضوالمنتدب]

حنـــيني حـــنين مصـــدرن والهوى قافيه= معا لاهــــــب الكنـــــه تـــــــولاَه جهــــالي
يصيح النذير وسـايق المور مايوحيــــــه= ولاســــاق في مشــــــــراه من جيبه ريالي
تعرض عروض النفد ودريـوله كاويـــــه= يراوز مــــــذب العـــرق حاديه هيـــــالـــي
تجمَل وبلَغ ناعـــم العـــــود ياناصــــــيه= وليفن دنا من حــر فرقاه غربــــــالـــــــــي
وقللَه عيوني تسـهر اللـــيل ماتمســـيه= عطيب الضميرأصبح وليلي على حـــــــالي
وقلبي كما قدرن شبوب الغضا حـــاديه= قفته الهبــــــوب وجال ضوَه تشــــــــيعالي
على الصاحب اللي طال وقتي ونا راجيه= كما يرجي العطشان له شــــــربة زلالي
يسلهم بسودن تسلب العقل من قاصيه= كسا وجنته من رمشها في وضـــــــــلالي
ليامن بـــدى لحدن لزومن لهم نقضيه= ونا لابـدالي لازمن كــــــون يقضــــــــالي
اعزَه وقدر من يعـــزَه ومن يغــــــليه= وداري هله ورخص على شأنه الغــــالي
حلفت ان صفالي صافي اللون لصافيه=ولا اخون به لين أبيض الخام يشـــرالي
مجيِي نقي العرض حـــقن علي بـديه= ولاكــن خايف هرجة الناس الانــــــذالي
ملاقيف ناسن تنقل الهــرج وتوديــه= يعيلون بالفرقــــا عسى مالهم تـــــــالي