السلام عليكم ورحمة الله وبركاته ،،
أقدم لكم قصيدة للشاعر/ نــاصــر الجعيدي الدوسري ،، عسى أن تحوز على رضاكم.
بسم الله ابداء وآتعوذ من ابليس=ويمر في فكري نوادر حواسه
واشعل فتيل الشعر ذبلة فوانيس=وآشد بيت الشعر ويهز راسه
ماهمني ضحك الوجيه المعابيس=الكفو مثلي يشهره عرق ساسه
شاعر وامثّل لابتي يالقرانيس=ماني بمثل اللي يحب اقتباسه
شاعر يميّزني كثير النواميس=مارحت ادوّر للشعر خلف طاسه
الى بغيت اكتب تضخ الهواجيس=تارد علي من هيبتي في حماسه
لا نيبب متنبي ولاني ولد قيس=لكن جدّي من زحول الفراسه
آقدّر الطيّب بعيد المراميس=لو هو بعيد الجد ومنزح بناسه
اللي جهوده للنشامى محاريس=وهرج ٍ بلا معنى يجنب مداسه
وطيب النوايا مارضخ للوساويس=يكفيه ثنتين الثقه والمراسه
وإلاّ انت ياللي من هواة المراويس=لامرجله لا شعر ولامن دراسه
بعض العرب بعد التجارب طلع تيس=والظاهر ان ربعه تحب انتكاسه
تعيس عايش في مغبة متاعيس=ومثله يموت وحالته في تعاسه
ودي بشوف الخود لو هن عوانيس=آخير من جلسة رفيق الدناسه
اللي عيونه للمراجل عواميس=نظرة ردى يشهد عليها مقاسه
ماقلت كل الناس لكن تضاريس=ومن شيء بالعينين شفت انغماسه
ناس ٍ على ماقيل مثل النسانيس=يمشوا على وجهين ضحك وشراسه
وناس ٍ لنا قدوة على خير تأسيس=صار المثل فيهم على قوّ باسه
يستاهلون المدح لو هم مفاليس=ولا الردي تاجر وبايع نحاسه
واجب علي في ذكرهم العن ابليس=مادام جدّي من زحول الفراسه
وسلامتكم. مع خالص التحية و الاحترام.