[معلومات العضو عاشق سراب]

	هذه الانسانه غير عن جميع بنات حواء بالنسبه لي أنا ياعاشق سراب أحبها بجنون وحتى خضوعي لها اعتبره وسام وفخر اعتز به وأتحدى من يقول غير ذلك وإليكم ماكتبته بها بكل تواضع

عساك ماتشوفين شر" ولاباس=وعسى حياتي لك فدا يالحبيبه
أنتي الغلا وأنتي الهوى وأنتي الناس=وأنتي الهنا وأنتي الدواء والطبيبه
وأنتي الذهب وأنتي الجواهر والألماس=العمر من دونك أنا ويش أبيبه
وأنتي الذي لك تنحني هامة الرأس=وترى خضوعي لك فخر واهتنيبه
يامن تشعي النور في عتمة الياس=حرفك كتبته ومن غلاك أعتنيبه
ويامن تمدين المشاعر بالأحساس=تبقين لي أقرب من أقرب قريبه
ويامن شذى عطرك أشمه بالأنفاس=من لامني في حبك الله حسيبه!!!
ويامن تفوقتي على كل الأجناس=الغــالي ..الغالي من أجلك اجيبه
لامن تكدر خاطرك صرت منحاس=وأعيش لحظات وثواني عصيبه
يالايمي فيها هي الأصل والساس=مشاعري بأمي ولاهي غريبه!!!