[معلومات العضو صالح الجعيدي]

السلام عليكم ورحمة الله وبركاته ،،،

قصيدة والد الشاعر/ محمد بن فطيس / وصية في قمة الجزالة :-

ماتوصى يا محمد فـي اخوانـك=دام جنحان العقاب اللـي تشلّـه
هم عضودك لا تهاون بك زمانك=يثبتون وغيرهـم يخلـي محلّـه
من تهاون في مقام اخوك هانـك=لو يعزك من يحقر اخـوك ذلـه
ومن يخون ابهم على ماقيل خانك=دونهم لا تجعل الاقصيـن أخلّـه
حاجتك منهم تجيك الـى مكانـك=كنهم لـك ظـل ظلعـان ٍ مطلـه
انت بالنسبه لهم ياعظـم شانـك=انت مثل حجاب بيت وهم (لخلّه)
ليّن الجانب لهم والجم احصانـك=الجفا كثره على الصاحب مملـه
ومدهم بالعون كـان الله عانـك=غيث غيرك شاربك ماهو يبلـه
واهدهم للدين يوم الديـن زانـك=ومن جهل منهم طريق الخير دلّه
ليّن الجانب وعطهم من حنانـك=واستمع منهم وما يلهيـك خلـه
انت عقلك بك وفي راسك عنانك=قد صقرتك لين صدت الصيد كله
شايف ٍ لطفك وتكسيني حسانـك=ماتغيّـرك الليـالـي والاهـلّـه
بارك الله بك وفي باقي اخوانـك=كلكم من ساسكـم سلـه ودلـه

وسلامتكم،، عسى أن تنال رضاكم،، مع خالص التحية والاحترام ،،،