يالله ياواحد.ن. نرجيه غفرانه = يامنزل الغيث بامر.ن. منه سبحانه
ناصر هل الدين عند الكرب كافيهم = هازم هل الشرك حامي البيت واركانه
عفوك ولطفك ونصر.ن. منك ينصرنا = والملحد الضال أدحر كيد شيطانه
يالله على اعداء دينك ورنى فيهم = يوم.ن. عبوس.ن. تواقد فيه نيرانه
كم دمروا مسجد.ن. تصدح مواذينه = بصوت المأذن ألى من حان أذانه
الله وكبر بيوت الله مهدومه = وصوت النواقيس في المحراب رنانه
والقدس وبغداد فيها النار مشتبه = وكابل تعاني من الطاغوت واعوانه
واطفالنا في يدين الكفر مذبوحه = والأم تندب تشوف الويل بالوانه
قامت تلفت تنادي طفلها التايه = وبين الجثث شاهدت بالعين جثمانه
واقفت وفي نفسها الحسرة تقطعها = هم.ن. غليظ.ن. ثوى في نفس ولهانه
لو سمعها المعتصم ماكان يسفهها = يوم استغاثت وراحت نفس وجعانه
يارايت الدين خالد وينهو عنا = وين الذي جاهدوا في الدين عدوانه
صحابة المصطفى الله رضى عنهم = واللي رضى عنه ربه صانه وعانه
تعلموا من رسول الله ماينفع = واخذوا من الحق واعطوا الحق ميزانه
ساروا على هدي قايدهم ومرشدهم = نور.ن. مشى فيه ساري الليل لاوطانه
يا امة.ن. غاب عنها مجدها الغابر = وباتت على غير هدي الرب سبحانه
ترى دمار الأمم لاصار مبدأها = مايجعل الدين في الدنيا بلا خانه
ومن يعطي الدين بالدنيا فهو الخاسر = ودنياً بلا دين أهي لاشك خسرانه