[معلومات العضو سطام العامري]

مغثّـه على قولة أختي شوق2 ..
سبق لي نشرها بمجله شعبيه مع بعض التحفظات
لضرورات ومحظورات النشر ..
وأنا أعترف طائعاً مختاراً بأنها لاترتقي لمستوى ذائقة
أعضاء المنتدى المتصفحين فضلاً عن شعراءه الناقدين ولكنها
جاءت هكذا وعذرت نفسي لأنها ولدت بساعة غضب فأصبحت أفكارها
كالحمم المتناثره ..

خلها تبرق ورا (خيران) وتسيل المسيله=دام خيّال المهور العوب فالشدات منّـا
الزمل في مهجتي ممساه وهنيّـا مقيله=والله أنه من ضعنا راح يرعى في ضعنا
والله أني مااتنازل عنك يالصفرا الاصيله=دام لي راسٍ يزوم ولي طواريق تغنا
يوم قالت ياحلالي قلت لبّـا أغلى حليله=قالت البارح جرى دمعي على الخدين منـّـا
قلت في ربك..؟ وريضان الضمير ألي محيله=ماسقاها ألا غلاك ألي سكنّـاه وسكنا
صاحبي واافري جيب صويحبك عقبك اويله=لاخلت من ضحكتك ذيك الصروح ألي تبنا
لارحل حلمٍ نزخرف له بيوت وننتمي له=وامحلت خضر الطواريق ودنا الليل وتدنا
مسكّيني يالهبايب غرة الغيم وهميله=لين يرتع في خفايا الروح رعبوبٍ زبنا
وأرعدي بي يالرعود وفضفضي بي يالمخيله=واشرقي بي لااظلمن ذيك الوجيه وكلحّنـا
وأعتزي بي مثل خيالٍ على عزوة خليله=ساعةٍ يستنشق البارود كيف ويستجنا
المشاعر راهيه والدرب قدامي يبيله=مسرجاتٍ لاضمينا للغمام يوردنا
درهمي بي ياذلول الشعر صوب المستحيله=ان كسبنا الصعب والا كسبنا قولة فعلنا
شاعرٍ شاف الجدي في رمسته راعي طويله=والهبايب تشخف غصون الشجر منا ومنا
والزمن جا فيه عقب الطيب من قبل امس عيله=والوجيه ألي خذن منا الغلا وشهن عطنا؟
والوفا يلهث ورا بيبان نسّاي الجميله=سج ماكنه شرب من كفي الطيب وتهنا
عقّب ألي يوم ضاع وضيّع الوالي دليله=جا يحدنه عيون ألي على الضيق يحدنا
روّح يدفدف مع السارين بضلوعٍ نحيله=عقبها عوّد يلوج لسيّنه حنا وحنا !!
ايتطاولنا فقير الحال مغتر بقليله=مادرى أنه لو تعنّـا للثريا ماوصلنا
علمّوه يرش مقياله ويشرب من صميله=ماله عظامٍ يشيلنه عشان يصادمنّـا
أنصحيه وفهميه وسولفي له وأشرحيله=علميه ان الوطن هذا قبل جده وطنا
يالضعّيف للصمايل قلب وضلوعٍ جليله=أسترح يالاجودي شوري عليك ولاتعنّـا
مانوردها على الجمهاه بعزومٍ هزيله=يوم جينا عزوةٍ يصفق لها الموت وتــثـــنا
أنشدالتاريخ يوم الصايح يحزّم شليله=منهم ألي لااعتلوا فسروجها فالموت دنّا
ومنهم ألي يذبحون الحيل ويعطون الكحيله=ومنهم ألي بضفهم جدك يسيح ويرجهنا
نازلينٍ نجد وقت الخوف فالحدب السليله=كان تجهل وانت تجهل فنشد التاريخ عنا
تدري أنـّـا يالسفيه شيوخ في كل القبيله=وماهدر وأطبق على روس الجمال ألا جملنا
لاوطينا القاع شوف القاع منهي تنحني له=تنحني أتـّدور رضانا مدري اتجنب زعلنا !!
وخلها تبرق ورا ( خيران ) وتسيل المسيله=دام خيال المهور العوب فالشدات منـّـا !!

سطام العامري البدراني الدوسري ( بدوي )