يالله اني دخيلك من ردات النصيـــب=كلما ما قــام حــظي مال بي وانثنا
ويالله اليوم ياللي دايمــاً لي رقيـــب=افـــزع لحــال منهو دايمـــاً في عنا
عزتي لي بعيد وفي ديـــار اجانيـــب=اسامــر النجم ونور البدر لامن سـنا
اسامر الليل وطول الليل اقنب قنـيب=مثل ذيبــاً سرى عـــوّد ولابــــه جنا
عوّد لوكره اللي حــول جمه قليـــب=جايعـــاً مالاقـــا قــوته وقــوت الظنا
استغفرك واحداً لااندعــابك تجيــــب=تمحـــي ذنـــوب عبداً راح عمره فنا
واغفر لوالديا وكــل مسلم مصيــــب=وافتح ابـــواب فردوسك نعيش بهنا
وردني سالم لربعـــي ومنهو قريــب=وافتحلي ابواب رحمتك ويزول العنا