[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة جزاء البقمي

االسلام عليكم ورحمة الله وبركاته
مساء / صباح الخير ..
أخواني .. أخواتي ..
اي علاقه في الكون .. تبنى على أسس .. ويكون لها أهداف ,, مهما كانت هذه العلاقه ..
اضع بين يديكم هذه المتواضعة التي تبيّن ( أسس وأهداف علاقتي معهاااا )

انتشـر حبـك بجسمـي .. لا وحتـى بالعـظـام = واختلـط حبـك بدمـي .. فالمعالـيـق يـعـدي
يـا هيـام ٍ فـي هيـام ٍ فـي هيـام ٍ فـي هيـام = يا ضياعي ! يـا اتجاهـي ! يـا دروب المهتـدي
لو تـذوق النـوم .. جفنـي مـا تهنّـى بالمنـام = طاوله فيـك الغـرام .. وطاولـه فيـك سهـدي
لك حبيبي فـي ثنايـا جـوف هالقلـب احتـرام = لك حبيبي قولتي : لبيـه .. آمـر .. يـا بعـدي
كيف اصبحك بسلام ! وكيـف امسيـك بسـلام ! = وانت في مجـرى وريـدي مـع سواقيـه تغـدي
لك عيوني .. لك حياتي .. لك سنيني .. لك مقـام = لك حلالي .. لك فوادي .. لك ورودي وشهـدي
فـوق كفـك دق حنّـا .. والبـلا فعـل الزمـام = والحلا .. ليـل ٍ تسلـل فـوق الامتـان اجعـدي
لا طويل .. ولا قصير .. ويا حلو زيـن القـوام = جلّ مـن صـوّرك والله فـي غرامـك مولـدي
مـا لقينـا لـك شبيـه ٍ فـي غناديـر الـشـوام = وما لقينـا لـك شبيـه ٍ فـي بنـات الاحمـدي
انت دانه .. وانت آيه .. وانت عشـق المستهـام = وانت نـادر فـي عيونـي يـا عيونـي وسعـدي
وانت والله يا ( صغير الحب ) مـن قبـل الفطـام = ما قصرت الفكر دونك .. لا ولا ضـاع جهـدي
انت امسي .. وانت انسي .. وانت جرحي والختام = وانـت والله يـا حبيبـي شمعـة اليـوم لـغـدي
انت غايـة مطلبـي يـا روح روحـي والغـرام = وانت شـف البـال والله وانـت غايـة مقصـدي
احسد البرقـع عليـك .. ولا حسـدت إلاّ لثـام ! = كيف ما يخجل ! وليله ما غـدى عنـه اجـودي!
فوق خدك .. حب خالك ! وازعلوا منه العمـام ! = كيـف يقـدر يستبيـح الخـد يـا خـد ٍ نــدي!
ترتدي ثوب الشرف و العـز مـن فوقـه وسـام = كيف ما يصبح وسامـك ! وانـت عـزّه مرتـدي
بنت شيخ ٍ مـا توانـى .. مـا يفـك إلاّ الزحـام = فزعة اللي ينتخـي ويصيـح تكفـى يـا سنـدي
و الحظيظ اللي قرب حظه مـن حظـوظ الكـرام = ما خشى شر الزمان .. ولا خشى الحظ الـردي!
اتـرك الواقـع واعيشـك فـي خيالـي بنسجـام = واربـط الواقـع بأحـلام الخـيـال السـرمـدي
مـا بغيتـك فالظـلام .. ولا بغيتـك بالحـرام ! = مـا بغيتـك غيـر بالعـز الشريـف المقـتـدي
مـا بغيتـك بالتلاعـب .. مـا بغيتـك بالـكـلام = مـا بغيـت إلاّ اخـوك يصيـر خـال ٍ لولـدي
لك جنوني .. لك ظنوني .. يا حبيبـي والسـلام = وانت غالي .. ثم غالي .. ثم غالي .. يا سعـدي

لكم
تحيتي

الشاعر الكبير : جزاء البقمي

أولاً مرحبا والله ومسهلا بك وبمشاركاتك

الله يحييك تحية الأسلام ياجزاء مليون × مليون

والحقيقه لنا الشرف بتسجيلك معنا والأنظمام لمنتدى قبيلة الدواسر الرسمي

فلقد عرفتك في عدة منتديات وعرفنا منك الأبداع الحقيقي

ومعاني الشعر الأسمى عندك طالت حياتك

ولو ان الشهادة فيك مجروحة إلى أبعد الحدود وسوف تثبت الأيام صحة ماقلته

فصح الله لسانك مليار × مليار ياإبن الأحرار

ومرحبا مرةٍ ثانية في محلك والحقيقة كسب المنتدى شاعر من الطراز الأول

تحياتي العطره لمقامك العالي

محبك ومحب الجميع : دغش بن بطي الدوسري