واحسافـه ياشبـابٍ تدهـور وانـدمـر = عقب مكلـه للبـلاوي وشوفـه للدشـوش
عقب ماهو صاحيٍّ مثـل باقيـة البشـر = أصبح بهيمة مريضة طريحة وسط حوش
مايبي غيـر الدشـارة وجلسـات السمـر = ولا له من الهـم ياكـود مليـه للكـروش
لا عرف واجبه ولا خاف ربـه واعتبـر = ولا سلك مسلك رجال تحوش الطيب حوش
أن صحى ياناس عجـل بشربـه للخمـر = وأن رقد ماقام لوكـان لافينـه طـروش
ولوبغى يسهر كلى حبوب بيض مع حمـر = واصبحت نظراته تزوغ مابين الرمـوش
واصبح الوضع متأزم وحاله فـي خطـر = والعقل من فعلته قام يطبـخ ثـم يطـوش
وابتدى النقصان في حال جسمه وانحـدر = بعد ماهو منتعم أصبح الوضـع مغشـوش
صابه هزالٍ وعظمـه تحلحـل وانكسـر = واندثر في ملبسه والشعر أصبح عشـوش
كلها من سبة الغـرب خطـط وانتصـر = وادمروا شبابنا الي غدوا معهـم خـدوش
ولو بحثنا عن سبايـب رواجـه بالبشـر = لوجدنا قل الإيمـان مـع كثـر القـروش
كل هذي تجعل الشخص مُعمى في البصر = يسكن القاعه بعد مسكنـه روس العـروش
فـيالله انـي طالبـك ياولـيٍ منتـصـر = هازم الأحزاب وتهزم بعد قـوات بـوش
أنك ترجّعهم علـى خيـر درب منتشـر = درب آدم والصحابة مرويـت العطـوش
والختم صلوا على خير مـن يأمـر أمـر = النبي محمـد صاحـب الوجـه البشـوش
اخوي العزيز الغالي والشاعر المجّيد "ابو مبارك المسعري"
ارحب ترحيبةٍ من الخليج الى المحيط والله اني صادق
يشهد الله انك مكسب يالمنعور.
صح الله السانك وعتلا شانك وازادك الله في مقامك
على هذي القصيده التي تطرب الفوأد وتشرح الخاطر
بما تحتويه من النصح الصادق لشباب هذي الامه
وهذي الشي لا يستغرب منك يابو مبارك جعلك تحيى
فأنت من الرجال الذي يضمرون النصح في قلوبهم
واسأل الله ربالعرش العظيم ان يصلح حال شباب المسلمين
ابومبارك لافض فوك على هذا القوافي التي ترسي في القلوب
واسأل الله ان يبارك في قلمك وفكرك فيما يحب ويرضى اللهم امين
وتقبل فائق تقديري واحترامي في مقامك العالي
اخــوك / فهد الغريري,,