[معلومات العضو حنيان الدوسري]

[color=#6600CC]هـذه الأبيات أتت بعد تأملي في أحوال شبابنا في هذا الـزمن !
فكم من شاب كان يُـحسب له ألف حِـساب أصبح بين عشيّـة وضحاها لا شيء
" جـسد هامد لا يـقوى على الحركة ، إنعدمت قـواه ، وخارت عزائمه وآسفاااااااه ! "
والسبب هو بنفسه ومن والاه ، من أقربائه وجـلـسـاه ، فحسبنا الله على من أغواه .

أترككم مع هذه الأبيات التي خرجت حُـرقةً على عماد الأمة ومستقبلها المنتظر :

واحسافـه ياشبـابٍ تدهـور وانـدمـر = عقب مكلـه للبـلاوي وشوفـه للدشـوش
عقب ماهو صاحيٍّ مثـل باقيـة البشـر = أصبح بهيمة مريضة طريحة وسط حوش
مايبي غيـر الدشـارة وجلسـات السمـر = ولا له من الهـم ياكـود مليـه للكـروش
لا عرف واجبه ولا خاف ربـه واعتبـر = ولا سلك مسلك رجال تحوش الطيب حوش
أن صحى ياناس عجـل بشربـه للخمـر = وأن رقد ماقام لوكـان لافينـه طـروش
ولوبغى يسهر كلى حبوب بيض مع حمـر = واصبحت نظراته تزوغ مابين الرمـوش
واصبح الوضع متأزم وحاله فـي خطـر = والعقل من فعلته قام يطبـخ ثـم يطـوش
وابتدى النقصان في حال جسمه وانحـدر = بعد ماهو منتعم أصبح الوضـع مغشـوش
صابه هزالٍ وعظمـه تحلحـل وانكسـر = واندثر في ملبسه والشعر أصبح عشـوش
كلها من سبة الغـرب خطـط وانتصـر = وادمروا شبابنا الي غدوا معهـم خـدوش
ولو بحثنا عن سبايـب رواجـه بالبشـر = لوجدنا قل الإيمـان مـع كثـر القـروش
كل هذي تجعل الشخص مُعمى في البصر = يسكن القاعه بعد مسكنـه روس العـروش
فـيالله انـي طالبـك ياولـيٍ منتـصـر = هازم الأحزاب وتهزم بعد قـوات بـوش
أنك ترجّعهم علـى خيـر درب منتشـر = درب آدم والصحابة مرويـت العطـوش
والختم صلوا على خير مـن يأمـر أمـر = النبي محمـد صاحـب الوجـه البشـوش

أتمنى أن تنال رضاء الله أولاً ثم استحسانكم
أخوكم : مشرف الأقسام الأدبية بالموقع ( أبو مبارك )

.