السلام عليكم ورحمة الله وبركاته ،،،
قصيدة للشاعر/سعود بن سنيد موجهها لولد أخته:-
اسمع كلامي وانتبه ياالشمالي=من سلم امره حاسو الناس دعواه
مايامن الرجال سود الليالي=والعاقل اللي يتعظ من خطاياه
ماودي انك تنصدم وانت غالي=في واقع ملعون ابا جد تلقاه
في الوقت ذا حتى الرفيق الموالي=يجيه منك الطيب وتجيك عجفاه
وان قلت لي ماهو بسلم الرجالي=اقول عوان الدهر كنها اياه
وان قلت اخوي ولد عمي وخالي=اقول اخو مثلك وشرواك مخباه
حنا بعصر العولمه والريالي=واللي تسوي فيه معروف ينساه
اشيا من الواقع وكنها الخيالي=المال صارافضل من الوجه والجاه
لا تصير صاحي تتهم با الهبالي=منت مثل هذا ولاذا ولاذاه
لون منت بواحد من عيالي=ما جبت بالطاروق يمك من اقصاه
لكن يشرفني الي قلت خالي=ولك الشرف بافعال خالك وممشاه
وان مارتفع راسك الي جاء مجالي=ماني عشير ام الجمال المخباه
مثل الجبل ماني بجال هيالي=واحد معك اطلق شنب واتحداه
وقفت رفيق مع رفيق موالي=ماهو يبور ويشرب الرق الي جاه
انا خويك قم تقف الجمالي=واللي يقدم عندنا الطيب يلقاه
هذي يدي واللي طرالك طرالي=احد نعده ربح واحد خسرناه
واللي علي يطري الي ضاق بالي=ماهو بضيف في محلي الي جاه
اللي الي ظاقت علي الر تكالي=مطنوخ راس جعل الانذال تفداه
والمشكله لاصار مثل الشمالي=في عمق تفكيره وفي قو معناه
ورسى من ارسى نيفات الجبالي=متملك الرموز الشجعه مزاياه
الزير سالم وبوزيد الهلالي=واذياب ابن غانم بسيفه وشلفاه
يابو حمد خلان يل يلالي=مافيهم اللي نرسله ونتحراه
لكن يلا بار وقصر الحبالي=وعطاك ابن عم الفراغات علباه
قل لك الي الله عزيز الجلالي=واهم شي طاعة الله ورضاه
وسلامتكم ،،، وتقبلوا خالص التحيات ،،،