السلام عليكم
اخواني واخواتي
اتشرف اني اشارك مع اخواني بني عمي في هذا الموقع المبارك بأذن الله تعالى
وهو منتدى الدواسر الذي يعد بحق مفخره لنا جميعا
وابدأ بهذه المشاركه التي قلتها خارج الوطن والمطر ودّان وقد اشتقنا لبلد التوحيد والحشمه
ياجعل يسقى اليا شفنا السعوديّه=الديرة اللي عسى الرحمن يحميها
دار(ن) لها كعبةالرحمن ماريّه=يوم البلادين تفخر في مبانيها
وفيها المساجد على التوحيد مبنيّه=ماحطّت قبور شرك(ن) في نواحيها
يازين مشي(ن) لها في كلّ صبحيّه=يوم المناير تنادينا وناتيها
والبيض فيها بوسط الدار مخفيّه=ماخالطوها الاجانب في نواديها
يوم انها درّة ماهيب مشريّه=يخشى عليها من السرّاق راعيها
بسور الشريعه فتاة الدار محميّه=ماجرّدوها الاعادي من مباديها
تمشي وهي بالشرف والصون مكسيّه=تاج(ن) من العزّ يزهى روس اهاليها
ياغيم ياللي تهشّم كل عصريّه=جعلك على دارها تروي مفاليها
اخوكم ابراهيم بن عبدالرحمن بن ذيب ال عريمه