بسم الله الرحمن الرحيم
السلام عليكم ورحمة الله وبركاته
يسرني ان اشارككم بهذه القصيده الجديده والتي
اسأل من الله العلي القدير ان تحوز على رضاكم
جيت دكتور العياده وقال امرك عجيب = سـارحٍ عقلـك وقلبـك التـهـب
قلت والله مـا يصيـب الا النصيـب = راضـي بمـا قــدر الله وكـتـب
يا طبيب ارفـق بحالـي يـا طبيـب = لا تعبـث وانـت جاهـل بالسبـب
علتـي معروفـةٍ فرقـا الحبـيـب = الحبيب اللـي اغلـى مـن الذهـب
في غيابـه صايـرٍ مثـل الغريـب = في غيابـه مـا لقيـت الا التعـب
بذكره ما أنسـاه عنـي مـا يغيـب = لا بغيـت انسـاه نسيانـه صعـب
صاحبي صاحـب الحسـن العجيـب = صوتـه الحنـون يطربنـي طـرب
يا الله أني طالبك يـا اللـي تجيـب = يا إله الكون يـا مجـري السحـب
يا الله أنك تجبـر القلـب الصويـب = في غياب اللي يساوي لـه عـرب
مـا يخيـب الظـن والله مايخيـب = في كاسب الجزلات لا منـه كسـب
تقبلوا كل الود والتقدير
أخوكم : مسفر المصارير