[معلومات العضو عبدالله الحافر الغييثي]

هذه قصه جرت على احد رجال سبيع اهل الخرمه ونصها ان السبيعي كان عند ابله

على فرسه وغار عليه قوم واخذوا البل وكعادتهم في ذلك الوقت ناهب ومنهوب
فركب فرسه واستفزع بربعه وردوا البل لكن حصل مناوشات بينهم وكسرت رجل
صاحب البل ورجعوا بالبل والمصابين وقد مرض السبيعي وكان عنده ثلاثه من الاولاد
اثنين من ام والثالث من ام ثانيه وكان اصغرهم واذكاهم واشجعهم وكان اسمه (سيف)
وفي يوم من الايام شاهد السبيعي حيه وهو طريح الفراش فامسكها براسها وقال
لزوجته اخيطي فمها0وقام بوضعها على بطنه وقال اندهي للعيال يذبحونها وكان اختبار
لهم فاتوا الخوان الشققا ولم يعرفوا كيف يخلصون اباهم من تلك الحيه واتى سيف
صدفه وشاهد الحيه فانطلق الى ابيه والتقطها بيده ورماها ولم تقع الى وهي ميته0
وفي يوم من الايام ذهب سيف بالابل وتاخر على اباه فقصد السبيعي يتذكر رجله
ويتشره على سيف لتأخيره عليه:

يارجلي اللي ماسرت تتبع الردى=ولا اخبر ليله شكاها قريبها
يارجل من يغضي الى شاف زله=وان شاف راعي خملة مادريبها
وجدي عليها وجد راعي طلابه=حدته العوادي عن قوادي نصيبها
وجدي عليها وجد راعي زراعه= جاه الدبا الحنان واصفى قليبها
وجدي عليها وجد رقاي علطا=تطلقن ايديه من عالي جذيبها
ياليتني مع طلعة الشمس شفتهم=وصبت المطيري قبل رجلي يصيبها
ياسيف كل الحنانات عفتها=الا انت يامضنون عيني صحيبها
ياسيف من ودعتبي يوم عفتني=على الدار كنى شنه قد رميبها
ياسيف انا كل المراجل حفظتها=مدري ابتخطيها والا بتصيبها
ياسيف انا اخرت لك من الخيل سابقا=اصيل وباقي الخيل ما ينهقيبها
ياسيف انا اخرت لك من السلاح بندق=غب الملاقا ماينادى صويبها
ياسيف انا اخرت لك من البل هجمه=بليهية لا جا اللقا تعتزيبها