[معلومات العضو مبارك بن محيا الدوسري]

اخواني أسعد الله أوقاتكم

شيخ من شيوخ آل عمار أعرفه=وليا بغيت الصدق عرفه ينومس
النيل عنده ما يجي ربع غرفه=ما مسّ علمٍ ينقصه لو ملومس
كل الحروف تغطّ قدّام حرفه=امثولثٍ طيبه لا بالله مخومس
لا جيت له يضحك حجاجه و طرفه=ماهوب اليامن جاه ضيفه تعومس
يا مرحبا بالقاف عدّه و صرفه=مثل الذّهب جاني و قافه على ( اومس)
لو كان جاني ما درينا بظرفه=كنه السمن من فوق فولٍ مدومس
من صاحبٍ صاغ المعاني بحرفه=يجذب بهلّه وان رفعها يرومس
شرّعت صدري درفةٍ جنب درفه =مجلس غلا روضٍ بشوفه مشومس
يا صاحبي و إن كان مقصدك طرفه=إن جاز فاشرب و إن طرى لك فغومس
و اخرف من الخفاق ما جاز خرفه=و اسمع هموس الفكر لا من تهومس
تلقا بوسط القلب ما هو بجرفه=غلا بياضه شاع ماهو محومس