يامـل قلـب يفـك الهـم ويخمـه=خمه عجوز ولدهـا بيـن روحينـي
قدام تزهـق حياتـه قـال يايمـه=ثم اصفقت من عظيم الوجـد كفينـي
طاحت على صدره الي واقف دمـه=يوم اذهنت جرت الونـه بصوتينـي
وقامت تخمخم أيديه وجـودت ثمـه=تبيـه وافخـت وزاد الهـم همينـي
وعلى النعش يوم قفوا به بني عمـه=طاحت وقامت وهامت والهيم شينـي
تدوي على ثوبه المنطـول وتشمـه=وتسقي جفاف الشحوب بدمعة العينـي
من حر فرقاه ما تمشي علـى يمـه=ولا تعرف الاحد من يـوم الاثنينـي
ماترقد الليل من حزنه ومـن همـه=والقلـب كنـه يطعـن بالسكاكينـي
كن المعزي يشوف عيونهـا يمـه=تغيب وتذهـن الياجوهـا المعزينـي
جابولها الي قر بالمصحـف وتمـه=يقراء عليها مـن القـرآن ياسينـي
وانا مع الناس كني من ورى الجمه=الناس عندي والا ادري من يحاكينـي
اوحني بالعلم لكن كيـف ماضمـه=الله اعلم ويـن هاجوسـي مودينـي
ارد على الهم ضامي واشرب الجمه=عليـك يالـي تروينـي وتضمينـي
وتشوف حالي عقب ماطبت من سمه=ودواي بيديـك لـكـن ماتداويـنـي
اما وفـى والوفـى تبرابـه الذمـه=ولا جفى والجفـى مـوت يبارينـي

وانا مع الناس كني من ورى الجمه=الناس عندي والا ادري من يحاكيني
اوحني بالعلم لكـن كيـف ماضمـه=الله اعلم ويـن هاجوسـي مودينـي
ارد على الهم ضامي واشرب الجمه=عليـك يالـي تروينـي وتضمينـي

المشاركة الأصلية كتبت بواسطة عبدالرحمن الشرافي وانا مع الناس كني من ورى الجمه=الناس عندي والا ادري من يحاكيني اوحني بالعلم لكـن كيـف ماضمـه=الله اعلم ويـن هاجوسـي مودينـي ارد على الهم ضامي واشرب الجمه=عليـك يالـي تروينـي وتضمينـي اخوي صالح الله لايهينك دايم قصايدك جزلة.. وبيض الله وجهك .. وصح الله لسان الشاعر وتكفى لاتبطي علينا بجديدك تحياتي

المشاركة الأصلية كتبت بواسطة ابو زابن قصيده اروع من الرائعه اخي صالح الجعيدي لك جزيل الشكر على نقلها لك تحيات وتقدير ابن عمك ابوزابن

المشاركة الأصلية كتبت بواسطة دغش البطي المشرف الرائع والراقي خلقاً وأدباً : صالح الجعيدي لاشلت يمناك يالقرم على كتابة هذه الرائعه والتي ليست بغريبةٍ على شرواك فلقد تعودنا على قرآءة كل جديد ومفيد فصح الله لسانك ولسان الشاعر راشد بن جعيثن وكثر الله من أمثالك وبارك الله في قلمك وأنار قلبك تقبل الود والتقدير والشكر والعرفان من محبك ومحب الجميع : أبو محمد