حل العشى شرفت في راس مرقب=في راس مرقب مدهل للقبايلي
انا عرفت العوق من يوم صابني=(السل) يا مخلي القروم الحمايلي
إلى بدا سهيل مع عاتق النقا=شدوا وخلوني بغبر النثايلي
أبكي ويبكوني ربيع تقابلوا=الناس في كثره وهم في قلايلي
لا جاهم العايل ولا يقبل الدوا=يروح عدل عقب ما كان ما يلي
الله اعلم في الحميدي وفي علي=وفي راشد هيف الغنم والجلايلي
يا عين أبكي مهرة كن سبيبها=شختور صيف من حقوق المخايلي
انا باتمنى شدة من عقب شدة=عشرين بين التروحة والقوايلي
إلى ذكروا خطر ودونه مهابه=ودونه من البيدا سنين محايلي
قطعته بهمي وعزمي وجرئتي=وعرب تشادي للغرس الظلايلي
لا ذبت الخل المطرف ترايعت=وغدا مهتديها عقب ما كان ما يلي
وابرالها خيال وانقل اسلاله=اسلاله لي من خيار السلايلي
ثم ثور الدخان مني وهيفت=لا الكون في رفاضة العضد سايلي

المشاركة الأصلية كتبت بواسطة رعاد تسلم يمناك أخوي الخاطر والله يعطيك العافية