::: مـنتدى قبيلـة الـدواسـر الـرسمي ::: - *·~-~*شعراء المحاورة يدافعون عن رسول الله*·~-~*

- :: قسم المــحــاورة والألــغـاز:: (http://alduwaser.org/vb/forumdisplay.php?f=18)

*·~-~*شعراء المحاورة يدافعون عن رسول الله*·~-~*

السلام عليكم ورحمة الله وبركاته...

اخواني هذه مقاطع من محاورة رباعية جمعت الشعراء:

1-الشاعر / فلاح القرقاح .

2-والشاعر / محمد السناني

3-والشاعر / ملفي المورقي

4-والشاعر / تركي الميزاني

في المنطقة الشرقية بتاريخ 8/1/1427هـ

وفيها نصرة لنبينا محمد صلى الله عليه وسلم بحسب الموقف فكل مسلم يبذل ما يستطيعه من نصرة خير البرية

وأليكم المحاورة

وكلي أمل أن تحوز على رضاكم واستحسانكم...

محمد السناني

يامعشر المسلمين اللي على المله
ياشعب حامي حمى البيتين عبدالله
حثو التفاني لسيدنـا رسـول الله
بنقاطـع المنتجـات الدنمركيـة

حب لدين السماوي وحب لرسول=كل مسلم يبذل الواجب اللي يقدره

فلاح القرقاح

صلى الله وسلم وبارك على محمد
تكفون خلو رصيد الكافر مجمـد
تروه بالكره من كفـاره معمـد
بنقاطـع المنتجـات الدنمركيـة

الدنمركي فسق عسى عمره مـا يطـول=والسمن والأقط خير( ن) من أنتجاج بقره

ملفي المورقي

ترا العلاقة لنا مده قطعناهـا
حتى السفارة على شانه فقلناها
والرسل لو سبها ماهوب وياها
بنقاطع المنتجـات الدنمركيـة

الله اورثنا بحكمه مقاليد الذلـول=ما درينا عن يهودي وعباد حجره

تركي الميزاني

أمشوهينا الصور محدن درا عنهم
الدين منهم بري والله بري منهـم
تلعنهم الناس والرحمـن يلعنهـم
بنقاطـع المنتجـات الدنمركيـة

ديننـا الأسـلام والله فرقنـا بالعقـول=عن هل التخريب والشرك وأهل الميسره

محمد السناني

يشاعر(ن) جيت فالطايـرة الجمبـو
من لا تفنن بروس العلـم وش ذنبـو
شوفو العلامة على الصابون والشامبو
بنقاطـع المنتـجـات الدنمركـيـة

كان ياملفي بيمناك حل(ن) من الحلول=مالك إلا خط بين القلـم والمسطـرة

فلاح القرقاح

مافية شعبً مثل شعب السعودية
مناصرتهم رسـول الله فعليـه
ماهيب تخريب وأشعارات وهمية
بنقاطـع المنتجـات الدنمركيـة

بكره أتشوفون ريس مربين العجول=ما يحصل له شرابً يبل الحنجـرة

ملفي المورقي

أنا تراي بدوي ماني بمتفنـدي
البر والنار والبل رغبةً عندي
والشامبو يشتريه السايق الهندي
بنقاطع المنتجـات الدنمركيـة

كاتمين السر وتقـول ولا ماتقـول=لكن الدين السماوي عسى الله ينصره

تركي الميزاني

ياشعب الأسلام في توحيدكم زيدو
ماهم بكفـوً لطيـارة وترنيـدو
أياكم أياكم إللي يشـري النيـدو
بنقاطـع المنتجـات الدنمركيـة

ما بقى عند الدنمركي ناتج ومحصول=مابقى إلا الباب مفتوح باب المنجرة

محمد السناني

خلك كما كنت لا تفقد بعارينك
الناس من شرهم ماهم بناسينك
ولكن يآخي لو نفتح دكاكينـك
بنشاهد المنتجات الدنمركيـة

ما تكفينا علامات ممنوع الدخول=تكتب اللوحات مير الأمور مدبره

فلاح القرقاح

اللي بينصر رسول الله ويكايد
يمشي على سنته ويزيد ويزايد
النصرماهو بترك الجبن والتايد
بنقاطع المنتجـات الدنمركيـة

أنا بدعي قولو أمين يالله يازحـول=الله لا يبقي من الكفر رجل ولا مره

تقبلو تحية