::: مـنتدى قبيلـة الـدواسـر الـرسمي :::

- :: قسم الـشعر العــام :: (http://alduwaser.org/vb/forumdisplay.php?f=16)

- - عظيم الوجد (http://alduwaser.org/vb/showthread.php?t=9360)

عظيم الوجد

عظيم هذا الوجد في هذه القصيده فل نستمع ماقال الشاعر:

يا وجودي عميت العين من طول السهر=بين عثرات المقادير والحظ التعيس
ياوجودي صرخة الصوت ماجابت خبر=ضاعت الشيمه من الناس والمعروف ديس
ياوجودي وجد شايب وشوفاته عشر =طاح بنحور المعادين في حام الوطيس
ياوجودي وجد محتاج حاديه الفقر=حدته قشر الليالي على منة خسيس
ياوجودي وجد من قيل يلهمه الصبر=الوحيد من الضناء مات في حادث تبيس
ياوجودي وجد من ضاع حقه وأنقهر=لا معه حيله بالاخصام والقاضي نحيس
ياوجودي وجد من جاه علم مختصر =ابلغوه الجمعه اعدام واليوم الخميس
ياوجودي وجد من قال غصب وانجبر=يعترف في تهمة ورطه فيها الجليس
ياوجودي وجد مشلول كسره بالظهر=مع زوايا غرفته مالقى حوله ونيس

رد: عظيم الوجد

صح السانك اخوي والله يعطيك العافية

رد: عظيم الوجد

اقتباس:

المشاركة الأصلية كتبت بواسطة ذيب المساري

عظيم هذا الوجد في هذه القصيده فل نستمع ماقال الشاعر:

ذيب المساري

لاهنت على نقل هذه المفزعه جداً

وعز الله إن الشاعر ماحداه رخى عقب ذا التوجاد الأقشر

صح لسانك ولسان الشاعر

تحياتي العطره