|
الناس ترفعها المراجل والاخلاق
اخواني واحبابي منسوبي منتدنا الغالي( منتدى قبيلة الدواسر الماجده) احب ان اهدي لكم هذه الابيات المتواضعه عسى ان تنال اعجابكم واستحسانكم فهو عمادها و هدف قائلها عسى من سهل بدعها يحقق لها هدفها 000
بالقاف أسلي خاطري كل ماظاق= خواطر(ن) تنبع من اهجوس ضيقه مثايل(ن) مع داجي الليل تنساق=أوله لها وله القلوب العشيقه أسس قواعدها على بيض الأوراق= وابني عليها من البيوت الغميقه من شأن من يطرح لها السمع يشتاق= ونقادها ما أبغا يجيله طريقه ماكل من ينطق يقال إنه نطاق = يحكم عليه إيلا تكلم نطيقه ولاكل رماي(ن) يقال انه تفاق=ولاكل صيد(ن) من قنص له يعيقه وإن جيت بوصف من التواصيف مالاق= بحث(ن) عن إعجاب الوجيه الطليقه أخترت مايطرب رفيعين الاذواق=ومن الزلل حصنتها بالحقيقه حقايق(ن) ماهيب تحتاج ميثاق= تشهد لصحتها العقول الوثيقه عن ما تشوف أعيوني من التفراق= في سيرة الدنيا وطبع الخليقه وأبدى وأقول الطيب من فضل خلاق = ومن لاوهبه الله يظيع طريقه والناس ترفعها المراجل والاخلاق= يوم الردي كسبه عداوة رفيقه رجل(ن) يجي لقرابه اظلال ورواق=تجذبه للطيب الاصول العريقه ورجل(ن) يلامن طاب طيبه تلصماق=مثل السراب يزول عجل بريقه ورجل(ن) مجاله بالثنا يشرق إشراق=ورجل (ن)كما جمة قليب(ن) عميقه ورجل(ن) نظر عينه رفيع للآفاق= ورجل(ن) عيونه في الأمور الدقيقه ورجل(ن) براسه من الصواديف دناق= يروغ منها لو تجي في شقيقه ورجل(ن) يلا نشفت من الحمل الارياق=يشيل حمل اللي عجز لا يطيقه والبلشة اللي ما تلهمد بلزاق= اللي لخو مره رحول ووسيقه اللي لربعه حرقة اكبود وإرهاق=خلقة وبا ماينعرف له طريقه اللي على طرد المقفين شفاق=ومن كثر هرجه بالقفا نشف ريقه وإذا درى ان الوضع قرب التوهاق=جوده ومجهوده يجي في طقيقه مايدري إن له في المطاليق معلاق= يحشم جنابه لجل حشمة فريقه حلو اللسان اللي مع الوقت بواق= ما أشبهه كون العباة الرقيقه هذا لك أفضل بيع جمعاه بفراق=من قبل تصبح منه كبدك حريقه 000000000000000وسلامتكم ولكم وافر التقدير0000000 مجبكم| عبدالله بن مرضي الودعاني |
ياسلام الله عليك جعلها يمين ماتشل ولاتعرض على النار صح لسان ملايين وملايين حتى ترضى
رائعه بمعنى الرائعه ويشرفني أن أكون اول من صافحها اخوك ومحبك في الله /// رجوم الشياطين |
اررررررررحب يارجوم الشياطين عد خطاك من ممشاك لا ملفاك واشكرك على تشريف مشاركتي بمرورك الثمين عند الرجال واحمد الذي وفقني لكي اكون من الذين ينالون اعجابك وشرواك0000 ولك مني الود مثنى
|
لا هنت
يا عبدالله ابيات ذهب و حكم تقبل تقديري و اعتزازي،،، |
مرحبا بك تراحيب المطر اخوي عبدالله الحقباني ومرورك وإعجابك هو راس المال ولولا طمعنا فيه بشراهه لما نشرنا قصائدنا 0000 لك ودي وتقديري
|
قصــــــــــــــــــــــــــــــــــــيــــده مسكته
|
صح الله لسانك وبيض الله وجهك على هذه الرائعه
ابدااااااااااااااااااااااااااااااااع وننتظر المزيد تقبل تحياتي ,,, |
اخي العزيز صقر العارض مرورك شرف والفن في ذوقك000لك فائق ودي وتقديري
|
اخي نايف صح بدنك ولاهنت على تشريف المشاركة بالمرور العطر000لك الود والورد
|
الشاعر الكبير عبدالله الجماعين
صح الله لسانك ملاايين ولايسدن على الأبيات الرائعه ومهوب غريب عليك كل ماهو جزل في انتظار المزيد من ابداعاتك تقبل تحياتي،، |
لا فض فوك
بالقاف أسلي خاطري كل ماظاق= خواطر(ن) تنبع من اهجوس ضيقه مثايل(ن) مع داجي الليل تنساق=أوله لها وله القلوب العشيقه أسس قواعدها على بيض الأوراق= وابني عليها من البيوت الغميقه من شأن من يطرح لها السمع يشتاق= ونقادها ما أبغا يجيله طريقه ماكل من ينطق يقال إنه نطاق = يحكم عليه إيلا تكلم نطيقه ولاكل رماي(ن) يقال انه تفاق=ولاكل صيد(ن) من قنص له يعيقه وإن جيت بوصف من التواصيف مالاق= بحث(ن) عن إعجاب الوجيه الطليقه أخترت مايطرب رفيعين الاذواق=ومن الزلل حصنتها بالحقيقه حقايق(ن) ماهيب تحتاج ميثاق= تشهد لصحتها العقول الوثيقه عن ما تشوف أعيوني من التفراق= في سيرة الدنيا وطبع الخليقه وأبدى وأقول الطيب من فضل خلاق = ومن لاوهبه الله يظيع طريقه والناس ترفعها المراجل والاخلاق= يوم الردي كسبه عداوة رفيقه رجل(ن) يجي لقرابه اظلال ورواق=تجذبه للطيب الاصول العريقه ورجل(ن) يلامن طاب طيبه تلصماق=مثل السراب يزول عجل بريقه ورجل(ن) مجاله بالثنا يشرق إشراق=ورجل (ن)كما جمة قليب(ن) عميقه ورجل(ن) نظر عينه رفيع للآفاق= ورجل(ن) عيونه في الأمور الدقيقه ورجل(ن) براسه من الصواديف دناق= يروغ منها لو تجي في شقيقه ورجل(ن) يلا نشفت من الحمل الارياق=يشيل حمل اللي عجز لا يطيقه والبلشة اللي ما تلهمد بلزاق= اللي لخو مره رحول ووسيقه اللي لربعه حرقة اكبود وإرهاق=خلقة وبا ماينعرف له طريقه اللي على طرد المقفين شفاق=ومن كثر هرجه بالقفا نشف ريقه وإذا درى ان الوضع قرب التوهاق=جوده ومجهوده يجي في طقيقه مايدري إن له في المطاليق معلاق= يحشم جنابه لجل حشمة فريقه حلو اللسان اللي مع الوقت بواق= ما أشبهه كون العباة الرقيقه هذا لك أفضل بيع جمعاه بفراق=من قبل تصبح منه كبدك حريقه الاخ العزيز والشاعر الكبير: عبدالله بن مرضي الجماعين اررررررحب ترحيبةٍ تردف مليار ترحيبه في مقامك العالي في البديه اهني نفسي واهني هذى المنتدى الكريم بأن كسب شاعر متمكن مثلك جعل عمرك طويل على طاعته وقصيده قويه قويه قويه قويه والى الامام عسى الله يبارك في احساسك وفكرك وصح الله السانك وعتلا شانك وزادك الله من زوايد فضله التي لا تنقضي قصيده جزله بما تعنيه الكلمه تقراها مرارٍ ولا تملها من سهولة معانيه وعذب قوافيها فبارك الله فيك اخي العزيز والله يهنك في عمرك وننتظر جديدك المميز وتقبل تقديري واحترامي واعجابي في قوافيك الجزله اخــــــــوك / فـــــهـــــد الــغـــريــــري,,,,, |
هلابك اخي هايف العماني ومشكور على المرورالعذب000000000 لك الود والورد
|
ارررررررررررررحب يافهد
يامرحباً وأهلين من قلب ولسان=اقولها تشرح خوافـي ضميـري ياطيب المجنا وياطيـر حـوران=وياطيب الوقفات فهـد الغريـري خيرة بني عمي كريمين الايمـان=قول سبقني فيه بالمدح غيـري وانته ونا ياوافي الهقوة اخـوان=بالطيب اشوفك يابن عمي نظيري وانا اتعلم منك في كـل ميـدان=وابني على وزنة مسيرك مسيري |
اقتباس:
الشاعر الكبير : عبدالله بن مرضي الودعاني لافض فوك يالقرم الحقيقه القصيدة أكبر من التعليق عليها بعبارات لاتوفيك ولاتوفيها حقها قرأتها مرار وسوف أعيد القرآءة أمرار وأمرار وأكتفي بالمتابعه لهذا المنهل العذب الصافي الذي يروي الظماْ في وقتٍ قل ماتجد فيه هذا الأبداع والجزاله الوافره صح الله لسانك وإعتلا شآننا وشآنك دنياً وآخره تقبل الود والتقدير وأكد المتابعه ولاتنسى تسجيل الأعجاب بما تكتب دمت بهذا العز والشموخ محبك ومحب الجميع : دغش البطي |
اررررررررررررررررحب يا دغش
مرحباً ترحيبة البدو بقنوف الربيـع=لاأقبلت ثم استخالت تلـوح ابروقهـا يادغش لاهنت يارعي الذوق الرفيع=صيتك بروس العوالي وعدى فوقهـا من رجال مجدهم ينحشم فيه الرضيع= مشرق يشبه لشمس الضحى واشروقها ونظرة اعجابك غنيمه يدورها الجميع=وأحمد اللي حطني يادغش معشوقها |
الساعة الآن 04:52 AM
 |
Powered by vBulletin® Copyright ©2000 - 2025, Jelsoft Enterprises Ltd.
---