|
قصيده من قصائدي **تنتظر نقدكم**
السلام عليكم ورحمة الله وبركاته
اعزائي قبل ان تقرؤا اي حرف من قصيدتي اود ان اقول احتاج نقدكم لانه يصنعني فانا اقول نقدكم قبل مدحكم دمتي لي راجيه ان تنال اعجابكم القلب فيه من الهموم ما ظنتي تنعد والعين من كثر البكا جف ماها صار حالي كما بيت ينهد ولا كما ام توها تفقد ضناها الجسم ناحل والوجه مسود صرت كني الشجر لاجف ماها صرت انا *أوجس حر فالكبد والروح يا اهلي زايد عناها مدري وش اللي بقلبي يتوقد روحي ياهلي كما النار تصلاها حالي قضت وانا اتجمل واتودد عسى هالناس نكسب رضاها ناس ما أدري وش بحالها جد السب والشتم والجروح تهناها عسى من مثلهم عن الدنيا يشد وفي حفرة سوداء تلقى جزاها ولا عسى ربي يهدي هالعبد وتعرف بهاالدنيا وش هو خطاها اتمنى تعجبك وانتظر ردك |
يعطيك العافيه
القلب فيه من الهموم ما ظنتي تنعد = والعين من كثر البكا جف ماها صار حالي كما بيت ينهد = ولا كما ام توها تفقد ضناها الجسم ناحل والوجه مسود = صرت كني الشجر لاجف ماها صرت انا *أوجس حر فالكبد = والروح يا اهلي زايد عناها مدري وش اللي بقلبي يتوقد = روحي ياهلي كما النار تصلاها حالي قضت وانا اتجمل واتودد = عسى هالناس نكسب رضاها ناس ما أدري وش بحالها جد = السب والشتم والجروح تهناها عسى من مثلهم عن الدنيا يشد = وفي حفرة سوداء تلقى جزاها ولا عسى ربي يهدي هالعبد = وتعرف بهاالدنيا وش هو خطاها الأخت : الهنوف يسرني ان اكون اول من يعانق اول قصائدك وأبداعك يعطيك العافيه ولاهنتي على القصيدة الرائعه وبداية موفقه أن شاء الله والى الأمام هذا ما يسعني أن اقوله واترك المجال للأخ والأستاذ دغش البطي والأخوان الباقين من الشعراء للتعليق فالأخير تقبلي مروري ولك خالص الشكر والتقدير بوحسـين |
السلام عليكم ورحمة الله وبركاته
الهنوف صح لسانتس وعلوش قال التعليق لدغش وماودنا نتعدا على استاذنا بالتوفيق ان شاءالله واصلي والقدم مذهل |
|
شاكره لكم مروركم الطيب اخواني
بس بصراحه خوفتوني من دغش البطي |
القصيدة كبداية جيدة..
لكن تحتاج الى اتقان اكثر. |
مشكور اخوي ما تقصر نقدك راح اعمل فيه تسلم
|
بداااااااية جيده
ولاهنتي على القصيده وصح لساااااااااااانس |
الهنوف يسعدني ان اقوم بالتعديل نيابه عن اخي دغش البطي الذي مشغول الان في كرسي الاعتراف
وهذى هو التعديل آملا ان يحوز على الرضا كما انها بدايه جيده وارجو ان تواصلي فليس المرء يولد شاعرا واغلب الشعراء يمر في هذه الحاله القلب يشكي من عنا الوقت والصد /// والعين من كثر البكا جف ماها والحال كنه بيت فالوقت منهد /// والا كما اللي ضاع منها ضناها والجسم ناحل والحشا منه مسود /// مثل الشجر لاجف بالقيظ ماها واوجست نارن فالحشا تكوي الكبد /// والروح زايد جورها من عناها والقلب كنه يشتكي سطوه الحد /// وروحي بها نارن تزايد صلاها اصبر واجامل مير جرحي تجدد /// عسى كثير الناس تكسب رضاها ناسن لنا مدري وش بحالها جد /// درب الردى والسب دوم يهناها عسى الذي من مثلهم دايماً شد ///وفي حفره الالحاد يلقى جزاها والا عسى درب المعرفه له يرد /// ويعرف مع الايام وشهو خطاها وآسف اذا لم تكن على الوجه المطلوب ولك بالغ شكري |
اخي مطلق
اشكر لك تعديلك واكثر من رائع والله تسلم اخوي وانا احتاج نقدكم قبل مدحكم وانت قتلها ما احد يولد شاعر سلامي لك |
الأخت الهنوف
كبدايه أنت رائعه جدا وتعليق وتعديل مطلق آل عمار جعلها ممتازة تمنياتي لك بالتوفيق ولاهنتِ... تقبلي تحياتي... |
هلا وغلا بك اخوي منور
|
الاخت الهنوف افكارك جيدة لاكن مشكلتك في الوزن وحل المشكلة هو الاكثار من الاستماع والقراءة لشعراء متمكنين ولكثشاف انعدام الوزن او وجود خلل فيه اذا سويتي البيت حاولي تغنيه ( بلحن) اذا تلحن تمام اذا ماتلحن معنات ان فيه خلل حاولي التعديل اثنا الغنى هذه طريقت كثير من الشعراء في بداياتهم ويمكن عند البعض طرق اخرى عموما انتي عندك شاعريه وينقصك فقط الخبرة بالوزن و تقبلك لنقد الاخرين بل طلبك لتقويمهم شي يبشر بالخير وهو وسيلت نجاح بذن البارئ سبحانه .والسلام
|
هلا وغلا فيك اخوي
|
صح لسانتس يالهنوف
والله يزيدك باللي يفيدك |
الساعة الآن 02:29 AM
 |
Powered by vBulletin® Copyright ©2000 - 2025, Jelsoft Enterprises Ltd.
---