|
ياليت كفي حدر خده عن الطين**والكف الاخر فوق صافي جبينه
قصة وابيات : فيه واحد مسافر ورجع للديرة يوم وصل حول البيت ويشوف جنازة تطلع من بيته …. لم يستطيع التحرك من محله ماعاد يدري وش يسوي يوم هذا تقدم له واحد وعلمه بخبر موت زوجته مثل إلي ماصدق وفاضت قريحته بقصيدة طويلة منها هذه الآبيات:
يارجم عديتك وعديت بي البين =والقلب في راسك تبيح كنينه مرحوم باللي جهزوا يوم الاثنين=والعصر من فوق النعش شايلينه قالوا عجوز وقلت وافالكم شين=الخمس والعشرين عدة سنينه ياليت يومي قبل يومه بيومين=والا المرض من بيننا قاسمينه ياليت كفي حدر خده عن الطين=والكف الاخر فوق صافي جبينه وجدي عليها وجد راعي بعارين=امسى خلاوي والسرق حايفينه او وجد من لحقوه طلابة الدين=صكت عمي القايلة مقتفينه وسلامتكم جميعاً ،،، وتقبلوا خالص تحياتي ،،، |
ابن العم/ صالح الله على هالسالفه والابيات الاكثر من رائعه لانها نابعه من قلب مكلوم ومحزون بفقد غاليه. تسلم يمينك يالجعيدي ولا هنت انا اشهد انك جزل في النقل وفي الاختيار البيتين اللي يقول فيهن:- يا ليت يومي قبل يومه بيومين&&و الا المرض من بيننا قاسمينه وياليت كفي حدرخده عن الطين&&والكف الاخر فوق صافي جبينه بيتان تكتب بحروف من ذهب وتدرس لمعرفة الوفاء والاخلاص والصدق في الحب . جززززززززززززززززززززله ومليانه والله على سد الغيب انه يحب من قلب صادق ومخلص اسال الله انه يرحمها ويتقبلها عنده هم وجميع اموات المسلمين. تقبل تحياتي اخوك / وسام العصا |
اقتباس:
وعسى يمينك للسلامة اخوي/وسام العصا،،، ومن قال مايهان. وما عليك زود يالقرم،، مرورك شرف لي ولمواضيعي. وتقبل تحيات أخوك ومحبك في الله/صالح الجعيدي |
السلام عليكم ورحمة الله وبركاته
الله يعطيك العافيه ياخوي على هذه القصه والقصيده الاكثر من رائعه[ |
وعليكم السلام ورحمة الله وبركاته،،،
والله يعافي الجميع. مرورك شرف أخوي/ أبو مشاري وتقبل خالص تحيات أخوك ومحبك في الله/ صالح الجعيدي |
السلام عليكم ورحمة الله وبركاته المشرف الغالي صالح الجعيدي كما هي العادة جزل في جميع أطروحاتك لاشلت يمناك يالقرم على نقل هذه القصة والقصيدة المحزنه صح لسان الشاعر ورحم الله المتوفي وبيض الله وجهك انت ياصالح تحياتي القلبية محبك ومحب الجميع |
تسلم يمينك وصح لسان الشاعر
، متميز دائماً في مشاركاتك . لاهنت يالقرم |
تسلم يمينك وصح لسان الشاعر
، متميز دائماً في مشاركاتك . لاهنت يالقرم |
أخواني الغاليين/ دغش البطي ، يحيى الودعاني ، أبا سليمان الودعاني. مرحبا والله ومسهلا بالنشاما،،، مروركم شرف لي ووسام على صدري. صح أبدانكم ، وتسلم يمانيكم ، والله لا يهين الجميع على المرور الطيب. وتقبلوا خالص تحيات أخوكم ومحبكم في الله/ صالح الجعيدي |
الساعة الآن 01:23 AM
 |
Powered by vBulletin® Copyright ©2000 - 2025, Jelsoft Enterprises Ltd.
---