::: مـنتدى قبيلـة الـدواسـر الـرسمي ::: - الشيخ مقبول ابن هريس و ((القهوة)) وماذا قال فيها

- :: قسم قصــه و قـصيــده :: (http://alduwaser.org/vb/forumdisplay.php?f=19)

الشيخ مقبول ابن هريس و ((القهوة)) وماذا قال فيها

بسم الله الرحمن الرحيم

((الشيخ مقبول ابن هريس الشـــــــــلوي والقهوة))

نفذت القهوة من عند الشيخ مقبول بن هريس وهو لا يستغني عنها وكان عنده قصير ( أي جار له ) دخيله قحطاني ويدعى ( بطي العبيدي ) من عبيده قحطان وملقب بأبي سعد ومشهور بتسوية القهوة فوجه له الشيخ مقبول الشلوي هذه الأبيات:-

يا بو سعد سج الركايب يسيـرن=وليا غدا شـيء علـى الله بدالـه
فاتن ثلاثة ايام والنجر ما دن=والبن بـاح ولا بقـي إلا دلالـه
لا بد عسـرات الليالـي يريفـن=يرجع ردي الخـال تالـي ليالـه
ناشي على ذبح الغنم واحمس البن=ولاني بناشـي نشـوه بالفلالـه
وأرسي كما يرسي على السايله عن=لين إن ولي العرش يظفي جلالـه
وخطو الولد لو هو كبيراً وله فن=تلقـاه فالمجلـس كبيـراً خيالـه
حساب نقـاب مـا ينقـب السـن=قضاب مرجلـه بليـا رجـالـه
وإن نزلوا ربعه بحدود السند خن=يصد عن نزل الجماعـه لحالـه
عساه في دل اللي ليا شافهن جـن=يفـز كنـه غايـبـاً توجـالـه

الركايب: الابل
عن: جبل في ديار الشلاوى
وشكرا
________________

الاخ الكريم / ابن شالي

بيض الله وجهك على ها السالفه والقصيده

لا هنت لا هنت وتسلم يمينك على النقل

ورحم الله شاعرها الشيخ المشهور /مقبول بن هريس

الابيات الاربعه الاخيره قمه في كل شي والله تنشرى بالذهب

وكل بيت لوحده عن قصيده .

تقبل تحياتي

اخوك / وسام العصا

أخوي/ ابن شالي
بيض الله وجهك على نقلك للقصة والقصيدة الجزلة.
لا هنت وتسلم يالقرم على النقل المتميز.
وصح لسانك ولسان قائلها. لا تحرمنا جديدك.
وتقبل تحيات أخوك ومحبك في الله/ صالح الجعيدي

الاخوان الاعزاء:

وسام العصا

دغش البطي

صالح الجعيد

مشكورين لاهنتم على مروركم الجميل بيض الله وجيهكم.

لاهنت يابن شالي على القصيد الجميل
والله يوفقك يالقرم.

الاخ فهاد

شكراً على مرورك الطيب يعطيك الف عافيه.