|
قصيدة لأخونا الغالي/ محمد بن صهيب الغريري.
قصيدة للشاعر الغالي محمد بن صهيب الغريري ،، وجدتها في إحدى المنتديات ،،،ربما تكررت ولكن إن شاء الله لم تتكرر ،،، افتخر بها ،،، وأرجو أن يسمح لي أخوي محمد بن صهيب الغريري على نقلها ،،،
يا جاهل رح انشـد اليـوم عنـا= وقل قالها نفجاني ماخذ بالاسبـاب ايه غـرره وعدواننـا مـا تهنـا=حنا هل السيف الذي ماله جـراب وللسيوف بكفوفنـا صـوت حنّـا=والقوم من صفق المخابيط هـرّاب حن ترثة جميلة مروين الأسنا= أفعالنا بالهوش والى شب شبّاب دواسـرٍ ذي لابـتـي وماتـونـا=تسمع عزاويها والى صاح مرقاب وجيـه قـومٍ مطلقيـن الأعـنـا=فوق المهار ويصبح الدم سكـاب الى غزينـا غـزوةٍ مـا هِزمنـا=والى غزانا قومٍ اليوم قـد خـاب الـى حكينـا قولنـا فـي فعلنـا=والى فعلنا فعلنا الهـوش يرتـاب الى عدينـا افطرقـةٍ مـا جِهلنـا=هزت اراضيها مع جبال واهضاب واللـي نخانـا كلنـا لـه فزعنـا=لاد الغريري للمّـروات كِسـاب حنا مع الرفيـق علـى ما تمنـا=الا الردى في حين تحكمه الاسباب متوارثين الطيـب وحتـى ولدنـا=يفوح ريح الطيب منـه بالاطيـاب يا جاهلٍ يا سِعدنـا ويـا سعدنـا=حتى الولد منا هو فكاك الانشـاب فينا الكريم والطيـب فينـا وحنـا=فينا الشجاع وفينا قطاع الارقـاب ويا جاهلٍ رح انشـد اليـوم عنـا=يقولها بن غرير عمى عين حراب كفو والله ،،، و تقبلوا خالص تحيات أخوكم/ آل جعيد الدوسري |
آل جعيد
الله يبيض وجهك على هالقصايد الدسمة اللي تنزلها وتختارها وصح لسان أبو صهيب على قصيدته وكفو والله بالغررة ومن كان في جميلة ماخذين حقهم أول وتالي. وزين إنك أوردت هذه القصيدة لأبو صهيب وسوف نطالبه بقصائد أخرى لأن أكيد ماهذي بالوحيدة. ولك الود والتقدير ،،، |
|
صح لسانك ياابو صهيب
قصيده جزله ورائعه وكفوا والله يالغرره... علومهم واضحه ومشهوره... والشكر الجزيل للأخ آل جعيد... |
الأخ ال جعيد الدوسري لا هنت على النقل المميز للقصيدة الطيبة للشاعر محمد الغريري والغرره وافين أول وتالي جعلهم المعزه لكم جزيل التحايا |
فينا الكريم والطيب فينـا وحنـا فينا الشجاع وفينا قطاع الارقاب كفو يا الغريري والله |
الغالي: أبو عبدالمحسن المسعري الغالي: أبا سليمان الودعاني الغالي: الغادي الغالي: راشد النتيفات الغالي: الكاسر44 بيض الله وجيهكم ،،، و الله لا يهينكم ،،، و لا شكر على واجب ،،، مــروركم شرف لي ،،، وأعتز بأخوي/ محمد بن صهيب الغريري وقصيدته الجزلة. وتقبلوا خالص تحيات أخوكم/ آل جعيد الدوسري |
آل جعيد الدوسري لاهنت على النقل المتميز وصح الله لسان أبو صهيب والغرره فعلهم وعلمهم ينومس بني عمهم من غير قصور في الباقين |
اقتباس:
و لا أنت أخوي الواضح ،،، يشهد الله أني نقلتها إحياءاً و إبقاءاً لـلــحـمــيـــا بيننا. و القصور بعيد عنك يالنشمي. وتقبل خالص تحياتي. |
بيض الله وجهك على سردها وبيض الله شاعرها ابن صهيب ويعطيك العافيه يالقرم http://www.qqlaa.com/vb/images/smili...ases/3seel.gif أبـــــو فـــــــارس |
اقتباس:
وجهك أبيض يالسنافي. الله يعافيك ، مرورك شرف وتقبل تحياتي. |
آل جعيد الدوسري
اشكرك على طرحك لقصيدتي في المنتدى ومتابعتك لما اكتب وهذا من طيبك وطيب ساسك .. تقبل تحياتي العطرة .. اخوك في الله محمد الغريري |
اقتباس:
لا شكر على واجب، والشكر لله وحده. و ما عليك زود أخوي محمد الغريري. مرورك العطر وسام على صدري و شرف لي ولمواضيعي. وتقبل خالص تحيات محبك في الله/ آل جعيد الدوسري |
رد: قصيدة لأخونا الغالي/ محمد بن صهيب الغريري.
|
رد: قصيدة لأخونا الغالي/ محمد بن صهيب الغريري.
رعاد
شاكر لك اطراءك وثناءك الطيب .. وصح الله بدنك وما عليكم زود يالغالي يا نسل الاحرار .. تقبل تحياتي .. اخوك في الله محمد الغريري |
الساعة الآن 07:56 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
