|
ابيات مختاره من قصائد شعراء المنتدى(3)
السلام عليكم ورحمه الله وبركاته
اخواني اعضاء منتدى قبيله الدواسر الرسمي اضع بين ايديكم الحلقه الثالثه من ابيات مختاره من قصائد شعراء المنتدى اتمنى من الله ان تلقى استحسان الجميع وسامحونا على القصور ولكم جزيل الشكر
ميـر والله ثــم والله ثــم والله ثــم والله=ماغفلنا عـن محمـد عـن رسـولٍ يقتدابـه يعني افهم ياليهودي يعني افهـم مـن كلامـي=مارضينا الـذل والله والهـدى كـلٍ مشابـه الشاعر/مطلق الحصان العمار 0000
بسوق المذله يرفع الصوت هـراج=كوبان درب العار ما شـام عنهـا بينه وبيـن العـز قفـل ومـزلاج=ما دام نفسـه بالمخـازي شحنهـا الشاعر/ وسام العصا 0000
ومن يعز الفس ماهوب يرضى بالخظوع=قيمتـه فـي كـل حـالٍ رفـع منزالهـا ومن يهين النفس يمشي بدرب الذل طوع=طافتـه لـذة حياتـه وهـو مـا نالهـا الشاعر/ محمد ابن حشفل الخضراني 0000
أنا لاذكرت اللي مضـى قلتنـا سقـا=سقا الله زمانٍ خاطري فيه ماضاقـي زمانٍ مضا عشته على العـز والنقـا=خليٍ فؤادي من العنى وأتبـع نياقـي الشاعر/ دغش البطي 0000
يا صاحبي مغليك ورْدن حيامه=عِلِّه من عيونٍ وساعٍ و نعسات حرااام !يا وشّْ ينفعك من إضيامه=ناوي تجرّب به جميع المقاسات الشاعر/ عبدالله الصليبي 0000
يا بنت ياللي تنظمين المساحيب=خلي مساحيبك على طرق بخوت حذراك ثم حذراك من نهشة الذيب=حتّيش لو زِخرف على متنه بشوت الشاعر/تابط خيرا 0000
يازيـن شبتناوصـوت الرشاشـا=همسة غلا أحباب ٍبهـرج ٍتخفيـه مابيننا مبلـس ولا ولـد لا شـا=صفوة ارجال ٍشايل الهـم تنسيـه الشاعر / خلف المهيلان الحربي 0000
يوم قالوا بانت الذله على روس العرب=قلت العرب اهي الي تدور خزاها وذلها دانسوا الجرباء وعديوا وساروا بالجرب=يعقدون حبالهم باياديهم والكافران تحلها الشاعر/عبدالله الصخيبري 0000
والطيـب فـي كتّابهـم منـه لابــد=والجزل فـي شعّارهـم منّـه الفـود فكر ( الدواسر ) جاد يافرحـة الخـد=واقلامهم تزرع علـى الصفحـه ورود الشاعر/عبدالعزيز الودعاني 0000
من باعنا برخيص بعناه برخيص=حتى ولوانه على القلب غالي حتى ولو من طيورٍ قوانيص=نفك سبقه فك في جو خالي الشاعر/ منذر ابن رشود |
السلام عليكم ورحمة الله وبركاته المشرف الرائع : أبن وتيد الحقيقه القلم يعجز عن رد الثناء لك يالقرم فالكل يرى مجهوداتك المتواصلة والمستمره وهذا إن دل فيدل على طيب راسك وساسك يالقرم ولو أنها ليست غريبةٍ عليك فسلمت يمينك التي كتبت وسلم فكرك الذي صاغ وأبدع والحقيقه أنها فكرة رائدة تزيد من تشجيع الشعار والرقي بالقصائد إلى الأعلى فصح الله لسانك وألسنت الشعار الذي نسخت بعض قصائدهم وبارك الله فيك وفي جهودك المستمره دمت لنا شمعةً مضيئة في سماء منتديات قبيلة الدواسر الرسمي تقبل ودي وتقديري محبك ومحب الجميع : أبو محمد |
مشرفنا العزيز / ابن وتيد
لاهنت على هذه الأختيارات الطيبه من قصائد شعرائنا الكرام فلك الشكر مرة أخرى |
اقتباس:
ارحب تراحيب المطر كل كلامك هذا فخر لي واعجز عن الرد عليه وهذا من تشجيعك ودعمك لي وللشعار بشكل عام عسى عمرك طويل لاهنت يالقرم على المرور الذي اسعدني واسعد اخواني الشعراء لك خالص الود وفائق الاحترام اخوك ومغليك/ ابن وتيد |
اقتباس:
الواضح ارحب تراحيب المطر من قال ماهان ومشكور طال عمرك على المرور المشرف لك خالص الود وفائق الاحترام اخوك / ابن وتيد |
أقول إسلم يابن وتيد على هذا الإختيار الموفق لأبيات من قصائد شعراء المنتدى المرموقين وكانت
موفقة ، فسلمت على هذا الإختيار ودمت بهذا التألق الغير مستغرب عليك يابو سعد فلك الود والتقدير ،،، |
مشرفنا الرائع / ابن وتيد
بيض الله وجهك على ماتقوم به من مجهود واضح لمسناه منكم وانت ممن تقوم عليهم وتنهض بهم الصروح كما عودتنا وليس بغريب على مثلك لك بالغ شكري وتقديري |
اقتباس:
ابو عبدالمحسن المسعري ارحب تراحيب المطر تعليقك وافي وكلماتك فخر ومرورك شرف لاهنت يالقرم على المرور العطر لك خالص الود وفائق الاحترام اخوك / ابن وتيد |
اقتباس:
الشاعر/مطلق الحصان آل عمار ارحب تراحيب المطر من قال ابيض وجه مافعلنا الا الواجب تجاه شعرائنا الكرام ويد وحده ماتصفق والبركه فيكم جميعا لك خالص الود وفائق الاحترام اخوك / ابن وتيد |
عطاء متواصل وكريم..
لاهنت اخوي الشاعر/ابن وتيد .. وعزالله ان الجزل مايختار الا الجزل .. ابيات من ذهب لكبار الشعار في منتدانا المعطاء باعضائه الكراااام.. |
تسلم يابن وتيـد ‘‘ اختيار موفق ورائع ،، تسلم طال عمركــــ ’’ وصح الله السان الشعراء ؛ مرحبا ومسهـلا .. :) |
ابن وتيــــد
انت من يتقن الفن الراقي لن ذوقك دائمآ راقي لاهنت يابن وتيـــــــــد |
السلام عليكم ورحمة الله وبركاته
لاهنت على هذه الأختيارات الطيبه من قصائد شعرائنا الكرام لاهنت يابن وتيـــــــــد اخوك/ الساري 1 |
الأخ / ابن وتيد
أشكرك جزيل الشكر على هذا البادره الطيبه النابعه من طيبك اتمنى لك التوفيق في هذا المنتدى السامي تقبل خالص الشكر والتقدير من أخــــوك أبـــو فـــــارس |
اقتباس:
الودعاني ارحب تراحيب المطر ماعليك زود يالقرم لاهنت يالقرم على المرور المشرف لك خالص الود وفائق الاحترام اخوك / ابن وتيد |
الساعة الآن 11:57 PM
 |
Powered by vBulletin® Copyright ©2000 - 2025, Jelsoft Enterprises Ltd.
---