يالله يالمطلوب يا عدل مامال=ما غيرك أحد عالم في حوالي
انك تعين اللي شكى رقة الحال=و مجود با لعزم روس العوالي
قال ابن شملان بدا نايف الجال=في راس مرقاب طويل و عالي
و يعد قفض في اهل السمت ما عال=اهل بيوت للحرايب تصالي
يا راكب من فوق زينات الاهذال= عيرات من تحت الموارك جلالي
تلفي ابو مشعل في القسا عيد هشال=بسلام احلى من حليب المتالي
ابن ثواب حامي الجيش لا اجتال=و عيد الركايب لا لفنه هزالي
تلقى الشحم عنده مع وسعة البال=و صينية تدفر على كل حالي
في ربعة تلقى بها كل عيال=كل ابلج يمنع عقاب التوالي
خيالة العليا حمى كل مشوال=مروين حد مرهفات السلالي
و يا راكب من فوق زين التملمال=غب الصلف يمخى حزوف الزوالي
يلفي لنا مقعد صغى كل عيال=راعي المراجل كلها با الكمالي
ابن مريشد حامي الجيش لا اجتال=و زيزوم عيرات خطاها طوالي
في سيف جلموده قصر شبر من طال=و حدود ربعه جنبوها الرجالي
قلته و انا ربعي طريين الافعال= من لاد تغلب مضعفين الحلالي
اهل رباع للمناعير مدهال=كرمان في شحشاح عسر الليالي
لا جاوا اهل عوص النضا با شهب اللال=تسابقوهم بالعزايم عيالي
و عاداتهم لا جاء اللقا كسب الانفال=و كم واحد في ورد ربعي يشالي
هل سربة يفرح بها المغرق الذال=لا حل باقطار السبايا جفالي
كم واحد نجعل على كبده املال=عقب الشره يتبع طريق السهالي
صليت و اسلم على طيب الفال=على نبي الله عظيم الجلالي