معايدة الهمجة
 

سلام والتهنئه من خاطر صافي
بمعايدة عيدنا اللي جعله يعودي
الله يعوده علينا والله يكافي
والله علينا بفضله دايم يزودي
في الهمجة العيد غير بستره الظافي
وبشوف ربعي هل الطالات والجودي
ربعي هل الهمجة اللي مدهم وافي
ستر وذرى ن دونها لاهبت النودي
اهل السطر والظفر من عصر الاسلافي
خصيمهم لا عرفهم روووح يحودي
لاكلحت واحتمت واشتدت تشافي
بفعل ن يخلي ايام العدى سودي
حنا هل الهمجة اسم ن بين وكافي
اسم ن شهر واشتهر في نجد ماجودي
قدام قدام مانرجع على خلافي
حقيقة ن كل خلق الله لها شهودي
وان ماصدقت بكلامي ماني بشافي
طبع النتيفي بطيبه يملك بنودي
من دون قاصر بحق الناس ياقافي
الطيب بين القبايل ماله حدودي


شافي بن راشد النتيفات