ليا ذكرو اهل المجد نذكر بني جوزان=مشاويه ونعم المنسب الطيب وحيه
اوجيه الوفا لا شح وجه الزمان وشان=اوفعل البذل شارة تميز وماريه
شعفة السنام وبيرق العز في الميدان=هل العزوه الي من سمعها قذف غيه
بيارق نباهم رفرفت قدمها الشجعان=وحاشو من الامجاد ميه على ميه
عناوين سيرتهم للقصى والادنى تبان=ما كتبت لكنه في سما الفخر مقريه

تولم ياراسي وامدح اهل المديح الآن=ترا مدحتك لهل المدايح ضروريه
وانا خابرك ياراسي الواجبك صنيان=وافكارك على الابداع دايم حماسيه
مالك عذر في الازم وانا معتبرك حصان=ابي اتجمل عند ربعي السنافيه
بني عمي الي شانهم في الزمان ذا شان=وفي سالف التاريخ هم مقدم الهيه
ليا ذكرو اهل المجد نذكر بني جوزان=مشاويه ونعم المنسب الطيب وحيه
اوجيه الوفا لا شح وجه الزمان وشان=اوفعل البذل شارة تميز وماريه
شعفة السنام وبيرق العز في الميدان=هل العزوه الي من سمعها قذف غيه
بيارق نباهم رفرفت قدمها الشجعان=وحاشو من الامجاد ميه على ميه
عناوين سيرتهم للقصى والادنى تبان=ما كتبت لكنه في سما الفخر مقريه
حاضرهم ماغطه ناقص العرف والخوان=واساسات ماضيهم على العز مبنيه
كريمين في المده مثل شختل الودان=على المده الجزله صخوف ورهاويه
اليامن لفاهم ضيف صارو هم الضيفان=له صدورهم تصبح مضوف وديوانيه
اكرام الحا ماتذخر الجاه والايمان=وعلى البذل وعلوم الطلاقه رهاويه
اهم ملتجا الخايف وهم مربن الهربان=وهم محزم الي محزمه غير النيه
وهم منطق العاقل وهم حكمة الانسان=وهم قدوة الي قدوته ضاع قاديه
اعزاز النفوس اتموت ماتقبل الحقران=كذا الطيب يالي تحسب الطيب عاريه
حديهم لو انه ايعيش عمره وهو فقران=مايشحذ لو ان وضعه على حد جنبيه
يعيش ابطنخ راس وعلى الطايله خرمان=يحاديه ساس العز والطيب حاديه
ترا المشوي اليامن زهمته يجيه جنان=اجنان الظفر ماهوب جنان الشليتيه
يجي مندفع فزاع فزعه على محيان=مايحسب حساب الذيك والذي وهاذيه
انا احبهم وعدهم لي ربع واخوان=واتنومس بهم من مكه الى النعيريه
افيا سعد منهم عزوته مارثة جوزان=وياسعد من لامن تعزوا بمشويه

تولم يافكري وانت لك بالمواقف شان=هجوسك على صيد الفرايد رهاويه
تقدم سعد بالطيب والطيب له عنوان=مانستغربه من خبرةٍ نارهم حيه
سدلتوا علينا وافر الفضل والعرفان=مجيكم لنا معروف من صادق النيه
هلا مرحبا من خف نفس وغلا ضيفان=اصفف لكم من باقة المدح منقية
يال بريك وإنا فالعسر محزمٍ مليان=على كل عزٍ يرفع الراس طاريه
بني عم لاحلت مواجيبها واخوان=لو انهم جنوبي نجد وإنا شماليه
شعاني من آل بريك قرمٍ فصيح لسان=وانا اشوش من طاري المناعير واتيّه