::: مـنتدى قبيلـة الـدواسـر الـرسمي ::: - شفت حسنٍ يالخلايق شاقنـي- محبكم الدوسري

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - شفت حسنٍ يالخلايق شاقنـي- محبكم الدوسري (http://alduwaser.org/vb/showthread.php?t=66005)

شفت حسنٍ يالخلايق شاقنـي- محبكم الدوسري

شفـت حسـنٍ يالخــلايق شاقــنـي
العيــون وساعْ والمبســم حـــلاهْ
ريـــمْ رامينــــي وراحْ وردْنــــي
مثــل طفـــلٍ مـا يميّــــزْ قــــولْ آهْ
يسحـــرْ وينْحَــرْ وقبلــه ساقنــي
سوقـــة المَدْمِــي لميـدانْ الصِفَــاْه
فاهِـيٍ اليـــنْ رمشـــه صابِنِــــيْ
عقبهـــا قلبــي تَعَـذّبْ مـن عنَـــاهْ
هايــفٍ الخصـــر عــودِه مِنْثِنِـــي
ظاهــرزيِنِـــهْ علــى كـل اقرِنَـــاهْ
من رجـى الخـلاّقْ فـي عيشــه هَنِــي
ْومــن رجـى غيــره تَعَسّـرْ مبتغـــاه
خــذت قلبــي مِنْ نِظَرْتِـكْ صِبْتِنِــي
ْبالعيــون السـود ما ترحـم شِقَــــاهْ
ضامِنــي حسنـك وشوقـك هدنّــي
راعِنِـي بعــدك وقربـك هو رجـــاه
رِدْ لــي لــو بالنواظِـــرْ وافْتِنِـــيْ
هو حــلالٍ ذبحتــي وسـط الفـــلاه
يهتنــي قلبـــي الامِـــنْ شِفْتِنِــــي
واهتنــي لامـن نظرتــك ياغــــلاه
http://www.7ob-3mre.com/up/uploads/13450529741.jpg

رد: شفت حسنٍ يالخلايق شاقنـي- محبكم الدوسري

ريـــمْ رامينــــي وراحْ وردْنــــي
مثــل طفـــلٍ مـا يميّــــزْ قــــولْ آهْ

هههههههه

وانت استغليت الفرصة ، شبهت نفسك بالطفل عشان ماحد يعاتبك

صح لسانك يابو محمد وسلمت يالجزل ، ابيات عذبة ومميزة كتميز شاعرها

تقبل ودي وتقديري ،،،،

رد: شفت حسنٍ يالخلايق شاقنـي- محبكم الدوسري

ارحب الغالي راشد
تسلم وما خطه قلمك
وش سوي ندور السلامه

رد: شفت حسنٍ يالخلايق شاقنـي- محبكم الدوسري

الله الله
روعه
وجزاله